السلام عليكم ورحمه الله وبركاته
ازيكم فتوكاتي الحلويين الطعميين بصوا بقي يا فتوكاتي انا امبارح كنت مكسله اعمل اكل وفي نفس الوقت جوزي ملوش في التونه ولا الكلام ده …فقولت تعملي ايه..تعملي ايه …ما تفكروا معايا هههههه
المهم نزلت اشتريت كيس جمبري من السوبر ماركت وتخيلوا بكام ب 25 جنيه ونصف كيلو حلو يعني ومش غالي
ورجعت البيت قولت قعدت افكر اعمله ازاي ف افتكست طريقه وطلعت حلوه جدااا وجوزي قالي طعمها تحفه
تجيبي يا ستي حله وتحطي فيها معلقه سمنه وتحطي بصله مبشوره وتخليها تدبل بس مش تحمر وتكوني هارسه فاصيين ثوم جامد مع شويه ملح وكمون بس خلي بالك من الملح وتضيفيه علي البصل وبرده قلبيه شويه كده صغيره
تكوني بقي وقتها غسلتي الجمبري في شويه ميه لحد مايدوب وتعصري عليه نصف لمونه عشان الزفاره وتقومي حطه الجمبري علي البصل والثوم لما يصفروا مش يحمروا ركزي
وبلاش تزودي ميه قلبي الجمبري شويه وبعدين وطي خالص وسبيه هوا هينزل ميته ويشربها تاني وشويه وتفتحي عليه لما تلاقي الميه اتشربت زودي شويه بس صغيرين خالص ييجي ربع كبايه متكتريش من الميه وتقولي اعمل شوربه لان بيبقي صايص وطعمه وحش لو زودي الميه المهم هوا مش بياخد ربع ساعه عالبوتاجاز وعلي مايستوي تكوني عامله حله رز حلو كده من ايديك الحلوه دي واغرفي بقي وحطي بقي من الجمبري عالارز وادعيلي بقي ومتنسيش طبق سلطه حلو كده يفتح النفس جمب الاكل بس متقلقيش الجمبري هيفتح النفس لوحده والله العظيم اكله سهله وبسيطه ومش بتاخد وقت ولامجهود ولاحتي غاليه
يلا بقي جربيه وادعيلي واوعوا تنسوا التقييم
انا بنوتي طلعت عيني علي ماكتبت الموضوع
يلا بقي قيموني وفرحوني بقي وقولولي
رايكم والف هنا وشفاااااااااااااااااااا
مواضيع هذا القسم برعاية
om logyn om logyn images/avatars/mountain.jpg فتكات نشيطة Fatakat 553503 المحله الكبري – مصر