ازيكم يافتوكات انا عملت اكله النهاردة بسيطه ولذيذة
واولدى بيحبوها قوى انا عرفه ان فى هنا فى القسم فتوكات ماشاء ولاقوة الا بالله
شطورات وانا عن نفسى اتعلمت منهم حاجات كتير يعنى انا يابنات على قدى
خالص فى موضوع الطبخ الصرحه بس حبت انزل الاكله ديه لانى عرفه ان فى اطفال
كتير زيى اولدى مغلبين امهاتهم فى موضوع الاكل ومتاكدة
انها ممكن تعجب اولدكم وخصوصا اللى مش بيحبوا اكل الفراخ
ممكن تعمليها سندوتشات مع مخلل من غير مكرونه
زى ماتحبى يافتوكه
الاكله عبارة عن صدور فراخ مع مكرونه محمرة بالشوربه
المقادير
بصلتين مقطعين
عدد 2 طماطم مقطعين مكعبات
عدد 4 فلفل مقطع
هنحط الحله مع قطعه زبدة او زيت زى ما تحبى
وبعدين ضيفت البصله وقلبت البصله شويه
لحد ماتدبل شويه بس ماتتحمرش
وبعدين نضيف الصدور اللى قطعنها مكعبات يافتوكات
ونقلبها فى البصله ونفضل نقلب لحد
ما تنزل السوائل اللى فيها
نسيبها شويه لحد ما السويل تبتدى تتشرب
ويبقى شكلها كدة
نبتدى نضيف عليها باقى المكونات
الطماطم والفلفل
ونقلب مع بعضهم وتسيبيها تأخد وتدى مع بعضها على النار شويه
لحد ما تستوى برحتها واضفت الملح وفلفل اسود وبهارات
علشان تدى طعم لذيذ وريحه حلوة
وبعدين عملت المكرونه بسيطه واكيد فى منكم عرفها
حطيت معلقتين زبدة فى الحله وحطيت عليها المكرونه وتفضلى تقلبى فيها
زى الرز المحمر بالظبط
وبعدين حطيت عليها شوربه وسيبتها تستوى
مش هتاخد ربع ساعه
هتكون خلصت
ودة الشكل النهائى
للمكرونه
وديه صدو ر الفراخ بعد ما خلصت اتمنى انها تعجبكم
ومتنسوش المخلل يافتوكات
بالف هنا طعمها لذيذ جداااااااا
يمممممم يممممممممم
اذا عجبتكم يبقى ادعولى دعوة حلوة
لو شيفه انوا الاكله تستاهل تقيم ماشى يبقى كتر خيرك
ام اذا شيفها مش تستاهل يبقى يكفى دعوة حلوة منك
يافتوكه
بحبكم فى الله
مواضيع هذا القسم برعاية
نسيم الزهر نسيم الزهر 449666_21.gif اذا اكرمت اللئيم تمردا Fatakat 449666 مع زوجى حبيبى واولادى احلى حاجه فى حياتى – فى ارض الله أحيا