طبعا كلنا تقريبا سمعنا عن الكريم ده والقنوات قارفنا بالاعلان بتاعه كل شويه)
نوبين كريم لا للالم عبارة عن :
1-خلاصةمن دهن النعام ومجموعة من الزيوت الطبيعية.(الله اعلم هوه مكون من ايه)
2-نوبين يعالج جميع اشكال الالم.(كذب في كذب)
3-نوبين يعالج الم العظام والمفاصل والغضاريف والتهابات العمود الفقرى والام الرقبه. (كذب برضه)
4-منتج امن وفعال وله له اعراض جانبيه (ولا حتي اعراض علاجيه)
-مناسب لجميع الاعمار السنية. تخلص من الالم فى 48ساعة فقط… (لا تعليق)
مسجل بوزارة الصحة فقط وحصريا بـ89جنيه ومن خارج مصر 50 دولار+مصاريف الشحن(يعني المنتج بحوالي 100 جنيه مصري)… اتصل نصلك اينما كنت… ملحوظه هامه منتج اصلى احذروا التقليد للحصول على المنتج اتصلوا بنا على رقم…………
طبعا محطتش الرقم لاني مش عاوزاكم تتصلوا وتتجربوا وتتخدعوا زينا
احنا اشترينا المنتج ده لان والدتي كانت محتاجاه وخدنا العلبه ودفعنا من غير ما نبص علي العلبه ( وده اكيد غلط طبعا)
العلبه ماشاء الله لونها بمبي ومشاء الله شكلها يشرح القلب ؟؟؟؟؟؟!!!!!!!( بهزر طبعا التقفيل وحش جدا ولا كأنها علبه مصنوعه صناعه يدوي رديئه وهتشوفوا بعينكم)
وخدوا عندكم بقي:
-العلبه لا مكتوب عليها تاريخ انتاج ولا حتي مكتوب عليه الصلاحيه
-العلبه مش مكتوب عليها مكونات المنتج يعني بجد لا تعليق محناش عارفين احنا بنستخدم ايه
-العلبه مش مكتوب عليها مصرح من وزاره الصحه زي ما الاعلان بيقول
لاحظوا التقفيل السيئ يعني حتي مش مهتمين بالشكل الخارجي
قلبت العلبه يمكن الاقي اي معلومات جديده مهوه يعني احنا عارفين ان اسمه NO PAIN CREAM كاتبيه مره بالعربي ومره بالانجليزي شيئ رائع الحقيقه يعني احنا هنستفاد ايه من الاسم بس!!!!!!!!!!
ومع ذلك ماما استخدمته وانا نفسي استخدمته لاني كنت واقعه علي ضهري وكان ضهري بيوجعني فقلت اجرب
ولا عمل اي حاجه وسألت ماما نفس الحكايه ولا فيه دهن النعام ولا دهن الخروف اصلا,
عموما انا عملت الموضوع ده علشان اقولكم وفروا فلوسكم وبلاش تشتروا حاجه من التيلفزيون خصوصا بقي الحاجات اللي ليها علاقه بصحتنا لان بجد منتجات التيلفزيون دي كلها كذب في كذب والله اعلم عاملنها ازاي وحاطين فيها ايه!!!!
منتظره تعليقاتكم
ولو حد اشتري حاجه من التيلفزيون وطلعت حلوه
يقولنا يمكن انا بظلمهم ولا حاجه……
رحله المشتاقه رحله المشتاقه 328106_5.gif فتكات ست الكل Fatakat 328106 مدينه البواســ(بورسعيد)ـــــــــل والشجعان – مصر