السلام عليكم و رحمه الله و بركاته…
ازيكم يا اجمل و احلى اخوات؟؟؟؟؟؟؟؟ عاملين ايه فى الجو الى قلب على الشتا مره واحده ده ههههههههههههههه؟؟؟؟؟؟؟؟؟؟؟ حتى الجو يا ربى فى بلدنا دى بحالات هههههههههه يالا ربنا يصلح الاحوال………….
النوبك ده عجبنى قوى و فى افكار فيه جميله قوى و مش لاقياله قسم اكتبه فيه قولت احطه هنا بقه و خلاص هههههههه شوفته فى احد صفحات الفيس الى انا مشتركه فيها قولت انقله لعيونكم………..
عاوزه اعلى تقييم و دعوه حلوه من قلبكم لى بالى فى توقيعى و الى مش هتدعى هوريها شغلها هههههههههههههههههه انتم حرين بقه
اسيبكم مع الافكار…………….
* لما تروحى لسوق لقيتى مثلا طماطم حلوة وحمرا ورخيصة مثلا اقولك تعملى ايه هاتى كمية زيادة نقى شوية جامدين وشوية تكون الطماطم حمرا خللى الجامدة للسلطة والطرية للطبيخ اغسليها كويس بميا وخل واعصريها فى الخلاط وصفيها من التفل وحطيها فى اكياس على قد الطبخة وممكن كمان لو مش مستعجلة قوى بس خايفة تتزنقى اغسلى الطماطم وحطيها زى مهى فى اكياس واحفظيها فى الفريزر بس المهم تقفلى الكيس كويس جدا لان ريحة الفريزر بتغير من نكهة الخضار…..
* ممكن كمان لو خايفة تتزنقى فى بصل قشرى البصل وحطيه زى مهو فى كيس فى الفريزر هينفعك قوى للشوربة والبصلة ريحتها بتفضل زى مهى
والمانجا والفروالة والجوافة نفس النظام….
* الجزر لو بتحبى الكبسة كتير ابشريه بالمبشرة وحطيه فى كيس وخدى منه على قد الحاجة….
* القرنبيط اسلقيه واحفظيه برضه فى اكياس ينفعك جدا لو اتزنقتى ومكنش عندك اكل……
* جوزك جبلك كورنباية ومكسلة تعمليها بدل ماورقها يصفر قطعيها واسلقيها وحطيها فى اكياس ونفس الكلام لورق العنب…..
* الخضرة زى الكسبرة والبقدونس اغلسيهم كويس وجفيفيهك كويس واخرطيهم وحطيهم فى اكياس لوقت الحاجة…..
* البانيه لما تجيبيه متحفظهوش زى مهو لا اغسليه بميا وخل ونضفيه وابشرى بصل وحطى عليه فلفل اسود وبهار وعصير لمونة وتبليهم وقسميهم على قد اكلتك هتوفرلك وقت حتى طعمه بيبقى احلى لان البهار والبصل اخدوا فيه……….
* الكفته برضه صبعيها وتبليها وحطيها فى اطباق فلين وغطيها بكيس…………
* السمك لما تجيبه نضفيه كويس ممكن تتبليه بتوم وكمون ولمون وتحفظيه او تحفظيه نضيف وتخلى تتبيله وقت قليه………..
* بس المهم مع اللحوم عموما متكتريش الملح علشانه بيزيد مع الحفظ……
* الفراخ برضه نضفيها بدقيق وخل ولمون وكيسيها تبقى جاهزة على الحلة على طول……
* البامية والبسله والفاصوليا الخضراء دقيقة بس فى ميا سخنة وعليها عصرة لمون واغسليها واحفظيها….
* البطاطس فى موسمها قطعيها صوابع وحطيها فى ميا وملح وخل واقليها نص قليه وغلفيها فى اطباق فلين واحفظيها……….
******بس الاهم من ده كله نضافة التلاجة لان البكتريا بتغير طعم الاكل******
و لو عاوزه تضيعى ريحه التلاجه حطى فيها قطعه فحم هيضيع الريحه خالص ( حطى الفحم في كيس من أكياس التلاجة الشفافين دول و حطيه على الرف او لفى الفحم في فويل و حطيه في رف التلاجة )
انا كده خلصت يا بنات دعوه حلوه بقه لى بلزوج الصالح العاجل يا بنات و اتخطب فى شهر 4 و اكون من متزوجات السنادى يا رب و يفرح قلب ماما حبيبتى بيا
ياااااااااااااااااا رب اللهم امين
منقووووووووول للافاده
فى حفظ الله
مواضيع هذا القسم برعاية
نونا اخت فتكات نونا اخت فتكات 829967_44.gif فتكات متميزة Fatakat 829967 (فى بيت بابا على ما تفرج ههههه) – (مصر ام الدنيا)