الكفتة بالصلصة او كفتة داود باشا او الكفتة بالرز او كرات اللحم زى ماانتى عايزه سميها المهم ان طعمها تحفة وبيتعمل جمبها رز وبتبقى حلوه اوى انا ديما بعملها صوابع بس المره دى عملتها شكل الكور
المكونات
نص كيلو لحمة +كوب الاربع رز مجروش يعنى يادوب تلفيه لفتين فى الكبة او مطحنة الخلاط يبقى مدشوش+عصير طماطم+صلصة طماطم+سمنة +زيت للتحمير+بهارات +بصل مبشور +فصين توم
الطريقة
هنجيب الكفتة ونحط عليها اتنيين بصلة مبشورة ناعم وملح وفلفل اسمر وكمون وفصين توم مفروم ناعم والرز
ونبتدى بعد كدا نخلطهم مع بعض ونضربهم فى الكبه لفة واحدة او فى المطحنة ودا شكل الخليط
وتبتدى تشكلى صوابع او كورات انا عملت كور
وبعدين اجهز طاسة فيها زيت واحمر الكفتة
وبعدين ابتدى اجهز الصلصة
هجيب حلة احط فيها سمنة وبعدين احط بصل مبشور ناعم حوالى 4 بصلات وسط وابتدى ااقلب واحط شويا سكر واقلب لحد ماتاخد اللون الدهبى
وبعدين اول ماتبقى دهبى محمر اضيف عصير الطماطم ومعلقة كبيرة صلصة طماطم
وااحط البهارات ملح فلفل اسمر كمون واسيبها تتسبك
وبعدين انزل فيها الكفتة واسيبها تتسبك معاها شويا
وبعدين تستوى شويا واحطها فى طاجن واكمل سواها فى الفرن
ودى اول ماطلعت من الفرن وهى فى الطاجن
وممكن تقدميه فى الطاجن او تغرفيها فى اطباق
وكدا جهزت وبالف هنا وشفا مواضيع هذا القسم برعاية
cuteegirl cuteegirl فتكات هايلة Fatakat 309381 اسكندرية – مصر