السلام عليكم حبيباتي
الفتوكات القمرات
بصراحه كده انا عملت اسوأتجربه في حياتي
هي عجينة العشر دقائق انا عارفه ان كلكم عملتوها ونجحت معاكم
انما انا كان يوم سيء
لأني كنت كمان عازمه حماتي عليها وكان شكلي
طبعا كنت في موقف لا احسد عليه
اولا انا عملت نفس المقادير ونفس التكنيك
بس للأسف
اولا العجينه كانت ملزقه جدا ومكنتش عارفه افرده
ثانيا
العجينه مخمرتش ونفشت كده معايا
يعني بعد اما حطيتها في الفرن وبعدين خمس دقايق تحت الشوايه يعني ربع ساعه
خارجه الهانم مكبوسه كده
ورق الورقه
وكان شكلي وحش
انا كل اما افتكر الموقف تصعب عليا نفسي
وبلاقي دمي اتحرق ع الاخر
لأن لا انا ولا حماتي ولا جوزي اكلنا
وقضيناها سندوتشات كده
ده حتي يوسف ابو 3سنين
مرضاش يأكلها
وقاللي ياماما
انا عايز بيتزا مش دي
قولولي اعمل ايه
وايه السبب في فشلها
ينوبكم ثواب فيا مواضيع هذا القسم برعاية
ام سفسوفه ام سفسوفه 159186_4.gif فتكات ست الكل Fatakat 159186 المنصورة – مصر