استفسار بخصوص الكافيتيشن

السلام عليكم ورحمة الله وبركاته
ازيكم يافتوكات يارب تكونو بخير
ياجماعة لو سمحتم اللي عندها معلومات عن الكافيتيشن او جربتة ياريت تفيدني
انا طولي 170 ووزني 85
عايزة اعمل الكافيتيشن تنصحوني اعمله ولا لأ
وانا من المنصورة ياريت لو حد جرب وعمله عند دكتور في المنصورة وطلع كويس يقولي عليه
او حتي في اي بلد جمب المنصورة
او حتي في القاهرة بس يكون دكتور ممتاز ويستاهل اني اسافرله
وكمان انا سمعت ان اجهزة الكافيتيشن دي في منها الاصلي ودا بيجيب نتيجة ممتازة وفي منها مش اصلي مش بيجيب اي نتيجة خالص
ياريت لو حد يقولي أعرف ازاي اذا كان اصلي ولا لأ قبل ما اتدبس وأبدأ الجلسات
كمان انا سمعت اسعار متفاوتة جدا ليه
انا المركز اللي فكرت اعمل فيه مركز في القاهرة والجلسة فيه ب 400 ولو كورس علي بعضة 4 جلسات يبقي ب 1000 يعني الجلسة ب 250 جنيهودا مركز بتاع دكتورة معرفة
رجعت سمعت اسعار اقل من كده بكتير وصلت لغايه 25 جنيه للجلسة
طب ليه الفرق الكبير دا في السعر
وكمان لو حد عنده خبرة يقولي هو انا المفروض هحتاج جلسات أد ايه تقريبا
معلش طولت عليكم بس لازم أفهم قبل ما اقرر هعمل عند مين
ياريت تفيدوني يافتوكات وجزاكم الله خير يارب


5em5em4 5em5em4 197569_1.gif فتكات رائعة Fatakat 197569 ارض الله الواسعه – مصر

سبحان الله و بحمده