استغلي دعوه الصائم -لصحتك

السلام عليكم
انا الحمد لله عندي طفل عنده خمس سنين و شلت اللولب من 6 شهور
وكنت كل شهر استني الحمل وتيجي البيريود وازعل واخاف
اصلي ولدت قيصري وكان عندي كيس علي المبيض مع الحمل كبير جدا اد حجم البيبي
و ولدت قيصري في اول التاسع علشان الكيس كان ضاغط علي البيبي
فخفت يكون حصل مشاكل في الانابيب وقلت اروح اكشف واطمن
و بعدين قريت علي النت عن اعشاب تساعد علي الحمل
فقررت آجل الكشف لبعد رمضان
و الاعشاب كانت طلح النخل و ده بيتاخد مع العسل
و شربت بردقوش,و بذور الخس مع العسل
و فعلا بدأت اخدهم كل يوم لحد التبويض و بعدين وقفت
نيجي للمهم رمضان جه ومن اول ما بدأ وانا قررت اني استغل دعوه الصائم طول رمضان
اني ادعي قبل الفطار كل يوم انه يرزقني بالحمل الشهر ده
و ادعي في كل سجود وانا واثقه من الاجابه
لأن ده كلام ربنا ادعوني استجب و كمان للصائم دعوه لا ترد ابدا
و الحمد لله انا حامل في الاسبوع الرابع انشاء الله
يا رب يرزق كل مشتاقه و ميحرمش حد ابدا من نعمه الامومه
بصوا اللي عايزه اقوله ان العشاب ده ممكن تكون سبب
بس المتأكده منه ان حملي كان بسبب دعوه الصائم
ادعي ادعي ادعي وانت واثقه من الاجابه
ويا ريت تدعولي ربنا يكملي حملي علي خير
و يرزقني بطفل سليم معافه
و يرزقكم كلكم و نكون كلنا شايلين اطفالنا عاجلا و ليس اجلا قادر يا كريم

ramo757 ramo757 455414_1.gif فتكات متميزة Fatakat 455414 القاهره – مصر

سبحان الله و بحمده