السلام عليكم ورحمه الله وبركاته
اناعايزه اكلمكم فى موضوع هام بيحصل لكثير منا سواء كان رجال او نساء وهى ازمه منتصف العمر يعنى من سن 40 الى 50 والفتره دى عند المرأه بتكون صعبه جدا عشان التغيرات الهرمونيه اللى بتحصل لها ولكن المهم هنا هو التغيرات النفسيه اللى بتحس بيها الست فى الفتره دى ,بتسأل نفسها انا فين ؟ انا فين من كل العالم اللى حواليا هل لاقيت نفسى ؟ هل حققت اللى عايزاه ؟ هل هو دة اللى كنت بحلم بيه ؟ وفين حقوقى انا عماله ادى كل اللى حواليه ومحدش بيدينى حاجه , هل انا قريبه من ربنا ؟ هل ربنا راضى عنى ؟ والخ من الاسئله الى بتسألها لنفسها كل يوم ومش لاقيه اجابه وبتوصل بيها لمرحله الاكتئاب وخصوصا لما يكون جوزها منشغل عنها فى الحاله دى يبتدى الخطر بتبدى تدور على حد يحسسها انها لسه فى بدايه حياتها يعنى كلمه حلوه , لفته غير مقصوده تفتكرها مقصوده , لمسه عفويه من زميل , جار اى حد والسلام ولو مانتبهتش لنفسها ها تغرق والكلام ده برضه بيحصل للرجل بالظبط والمصيبه بقى لو ان الاثنين ( الزوج والزوجه ) سنهم قريب من بعض , هو بيروح يدور على واحده صغيره تحسسه انه لسه كتكوت صغير وهى بتروح تدور على واحد اكبر منها بشويه علشان يحتويها وبرضه يحسسها انها لسه كتكوته صغيره .
طيب والحل ياجماعه ؟ الحل فى حاجه بسيطه قوى وفى ايد الست يجب ان تكون مدركه لما يحدث لها من تغيرات ولازم لازم تتمسك بحياتها جدا وتتمسك بشريك حياتها وتقرب منه قوى فى هذه الفتره وانا عارفه ان الستات بتستحمل كثير وعلشان بيتها وعيالها بتهد الدنيا وماتحاولش ان الشيطان يضحك عليها وعلى فكره فيه ناس كثير مش بتمر بالازمه دى بتكون ناس بسيطه قوى وعندها رضا جامد بحياتها وبتعيشها بكل مراحلها باستمتاع كامل .
ارجو انى ماكنتش ضيفه ثقيله عليكم وحابه انى اقولكم انى اخصائيه نفسيه ولو فيه اى استشاره نفسيه او تربويه خاصه بالاولاد فى فتره المراهقه انا تحت امر اخواتى الفتوكات والسلام عليكم ورحمه الله وبركاته
شيرى وان شيرى وان images/flowersavatars/avatar0014.jpg فتكات نشيطة Fatakat 279347 الجيزه – مصر