ارز بالخلطه
المكونات:
كبده بقري اوجاموسي مقطعه مكعبات
قلب بقري اوجاموسي مقطع مكعبات
لحمه مفرومه
بصل مقطع
توابل(فلفل اسمر كسبره قرفه بهارات مشكله)واي توابل حسب الرغبه
مكسرات(لوز وبندق وسوداني)
زبيب
ارز
ماء
ملح
سكر
معلقه صلصه
الطريقة:
في حله نحط السكر في الحله مباشره دون اي اضافه ونسيبه يسيح ويبقي بني كراميل وبعدين نحط عليه البصل
ونقلب ونحط الارز المغسول والمنقوع وبعدين نحط البهارات ولازم اهم حاجه القرفه وبعدين الملح وبعدين معلقه صلصه
ونصب عليه ميه مغليه طبعاحسب مقدار الارز
ونغطيه ونوطي عليه النار
نيجي للخلطه:
في طاسه نحط فيها شويه زيت ونكون مقشرين المكسرات اللوز والبندق واللوز ومقطعينه شرايح
ونحمصه في الطاسه وبعدين الزبيب
ونشيلهم في طبق
وفي نفس الطاسه نحط فيها بقا بصل ونشوحه وبعدين نحط القلب ونشوحه شويه لحد ماينشف شويه وبعدين الكبده وبعدين اللحمه المفرومه وبعدين نحط البهارات وبعدين نحط شويه مرقه او ميه صغيرين ونغطيها لحدمانتاكد ان كل حاجه استوت
وبعدين نرص الطبق
الارز
وعليه خلطه اللحوم
وعليهم المكسرات علي الوش
ونزين بكسبره خضراء اوبقدونس
وبالف هنا
ملحوظه:
مش شرط تلتزموا بخلطات اللحوم دي ممكن تضيفوا اللي يعجبكم وبالنسبه اللي تحبوها
دي اول طريقه لتقديمه في شكل تاني
مواضيع هذا القسم برعاية
mrmr96 mrmr96 877757_5.gif فتكات متميزة Fatakat 877757 المنوفيه – مصر