ارحمونا من موضوع زيت الزيتون ده +تجربتى مع الزيت

السلام عليكم و رحمة الله و بركاته
يا جماعة حرام عليكو كل اما وحدة تحذر من زيت الزيتون انه تخنها تطلعوا فيها كانها انكرت السنة!!!!!!
هوة الرسول صلى الله عليه وسلم قال انه زيت الزيتون بيخسس انتوا بتفهموا غلط ليه ؟؟
الرسول صلى الله عليه وسلم امر باكله و الدهان به يعنى الرسول صلى الله عليه و سلم كان بيأكل التمر نفضل طول الليل والنهار ناكله و نقول عمرنا ما هنتخن علشان الرسول كان بياكله سبحان الله!!!
يا جماعة مش كل اما حد يخالفنا نطلع فيه و فعلا انا زدت 5 كيلو منه على تجربتين مختلفتين
اسمعوا بقى…..
اول مرة قسما بالله كان وزنى ثابت بقاله سنة مع انى باكل عادى و لما اخدته على الريق بعد 15 يوم زدت2 كيلو وكنت ثابتة بقالى سنة والله
و ماجاش ف بالى انه الزيت السبب افتكرت الميزان زود 2 كيلو و باظ …
المهم بعد فترة قريت موضوع عيوشة قلت لما ارجع اخده تانى قسما بالله كنت ثابتة برده والمرة دى كل اما اقرا ردود عيوشة تقول ما توزنوش دلوقت علشان النتيجة تبان وكلوا براحتكم و بلاش دايت ده سحر من غير رجيم مش هوة ده الكلام!!!
المهم انا وزنت بعد شهر و كنت قسما بالله مقللة و مش بتعشى خاااالص لقيتنى زدت 3 كيل ووالله صدق يا بنااات اتفاجئت ودى كانت تانى مرة اتخن فيها بعد ثبات الوزن فترة طويلة ربطت المرتين ببعض واخذ يفكر و يفكر …
لقيت انه الزيت انا ف المرتين اللى زدت فيهم الحاجة اللى اختلفت فى نظام أكلى هوة الزيت فقط …
انا بطلته بقالى 4 ايام مع دايت خفيف جسمى نزل على الميزان شوية و الله و الله هذا حصل…
عارفين ان نيتها خير عيوشة بس غلط انها فى الاول قالت كل اما تزودوا تخسوا صح ولا لأ ؟؟و اجبلكم كلامها من الموضوع
لو عايزين
و قالت كلوا كلوا وانتوا هتسيحوا مع الزيت بالضبط كده..
ده اللى اتقال بعد كده لما لقت بنات تخنت قالت خلوه مرة واحدة فقط على الريق
مش ده اللى حصل يا بنات؟؟؟!!!
انااشمعنا باقول على موضوع عيوشة علشان كل اما بنت تكتب موضوع انها تخنت على الزيت تدافعواعن عيوشة وكانها غلطت فيها
انا بقول جزاكى الله خيرا يا عيوشة انك حبيتى تفيدينا و انا مش زعلانة انى تخنت ده قضاء و قدر
بس نتعلم يا بنات نتثبت من المعلومة صح ممكن انا اقرأ كلامها أول كام صفحة وهية بتنصح البنات ياكلوا و هيخسوا من غير رجيم وتقلهم كل اما تكتروا من الزيت تخسوا واعمل كده و ما اتابعش بقيت الموضوع لما بنات تخنت و قالت خلاص خلوه مرة واحدة صح كده ؟؟
يا جماعةهى نيتها خير بس اللى تعمل جروب دى امانة لاااااازم تبقى متثبتة من المعلومات اللى بتقلها مين اللى قال كل أما اكتر من زيت زيتون اخس !!!
الرسول صلى الله عليه و سلم قال "كلوا من الزيت وادهنوا به فإنه من شجرة مباركة " انه من شجرة مباركة صح؟؟
مافكرتوش انه ممكن من بركته برده انه يزود الجسم عضلات … دهون نافعة.. ممكن.. ايه المشكلة
هو رسولنا قال انه بيخسس علشان لما بنت تقول انه زودها تقولولها و ما ينطق عن الهوى !!!!
و بعدين البركة فى اللغة العربية الزيااااااااااااااااااادة صح و لا ايه؟؟
اللى مش عارف يرجع للمفردات
ياااارب بقى نخلص من موضوع زيت الزيتون ده
مش منكر يعنى و لا خطأ شرعى ان واحدة تقول انها تخنت منه او تقول لعيوشة انتى حبيتى تعملى خير بس لازم تتثبتى من معلوماتك
و اخيرا جزاكى الله خير يا كل واحدة حبت تفيدنا بس ما قدرتش و يااارب نتعلم من أخطاءنا ونتقبل كل حاجة كده بصدر رحب
بحبكم فى الله

صلاتى نجاتى 1 صلاتى نجاتى 1 images/flowersavatars/avatar0001.jpg فتكات رائعة Fatakat 299917 المدينة الفاضلة – مصر

سبحان الله و بحمده