السلام عليكم ورحمة الله
انا والله محتاجة ماعدتكم بشكل لا تتخيلوه لانى مش لاقية اى دكتور يفهمنى ولا يفسرلى اللى عايزة اعرفه لانى قلقانة جداجداجدا وبالله عليكم متبخلوا عليا بس ضرورى اللى تجاوبنى تكون مجربة مش مجرد اعتقاد او شىء سمعته عشان بس انا موسوسة فى موضوع المرض ده بالذات
اولا انا متزوجة من تقريبا سنة اول شهر زواج حملت خارج الرحم وبعدها نزلته بميثتروكسيد يعنى كانت حالتى بسيطة
بعدها اجلت الحمل خمس شهور وبعدها حملت ولكن اجهضت فى اربعين يوم الحمدلله ع كل حال
بعدها حملت بخمس شهور اللى هو حملى الحالى
انا طبعا معرفتش اسباب اللى حصلى ايه سواء اخر اجهاض او حمل خارج الرحم
بس سؤالى ليكى
انا قريت هنا كتير عى تكيس المبايض وانه ممكن يحصل معاه حمل ويسقط
انا دورتى كل 26 يوم ولله الحمدم نتظمة جدا بس قريت ان من اعراض التكيس برضه وجود شعر فى اسفل البطن وبين الفخذين وانا بحس ان فيا بس مش كثيف اوى يعنى خفيف وبرضه اسفل الذقن عندى كام شعراية وبين الصدر برضه فيه حاجة خفيفة جدا
هل ممكن اكون عندى تكيس وهو ده سب الاجهاض؟ رغم ان دورتى منتظمة؟ يعنى هل فيه اى واحدة دورتها منتظمة وعندها موضوع الشعر بس وطلع عندها تكيس؟
ولو هو تكيس ممكن اخد دواء مع الحمل يمنع الاجهاض بعد ارادة الله طبعا؟؟؟؟
انا حاليا الدكتورة كتببتلى على مثبت بالعافية مكنتش راضية تكتبلى خايفة يكون خارج الرحم رغم انى قلتلها اخر حمل ليا كان طبيعى وانا الحمدلله مش حاسة باى اعراض لخارج الرحم الحمدلله
وعايزانى اعمل سونار بكرة-انا اخر دورة ليا 21 /9 يعنى لسة مكملتش شهر ونص حمل-وانا بصراحة مش عايزة اعمل سونار دلوقت
وعايزاها تكررلى المثبت بس هى مش ترضى قبل متشوف السونار مش عارفة اعمل ايه؟؟؟؟
لو صممت عالسونار اعمله ولا مروحلهاش خالص بكرة واشترى انا المثبت واكرره؟؟؟؟
انتوا متتخيلوش الحمل ده مهم ليا ازاى لانى بمووت فى الاطفال
الله يكرم كل واحدة تدخل موضوعى وتفيدنى والله بجد انا فى كرب ومحتاجة حد يخفف عنى ويدينى معلومة صح تبت من افتاء الاطباء
مترجمة مترجمة 183535_2.gif سوبر فتكات Fatakat 183535 فى ارض الله – Egypt