السلام عليكم ورحمة الله وبركاتة
اول مرة اكتب ف المدونة ودة ان شاء الله لثقتى ف جدعنة الفتوكات المصريات
يا جماعة انا لسة جديدة ف امور المطبخ بتعلم يعنى
ان بنتى ربنا يحفظها يارب هتم سنة ان شاء الله يوم 14 رمضان الموافق 14 سبتمبر
اولا مش عارفة اعمل عيد الميلاد بتاريخ هجري ولا ميلادى لان فى السنة دى فرق اسبوع تقريبا اعتقد فهمتو
تانى مشكلة انى هعمل عزومة وعيد ميلاد ف يوم واحد ف رمضان
مش عارفة اعمل اكل اية ولا انظم الموضوع ازاى
على اساس انى هعزم 20 فرد
وكمية الاكل تكون المفروض اد اية والعصاير وكل حاجة
دى اول مرة بصراحة مش عايزة اتخزل قدام اهل جوزى غير انها اول عزومة اعملها من ساعة ما اتجوزت بقالى سنتين بالظبط
كنت بقول العصاير تكون مثلا مانجة و بلح باللبن و تمر هندى
واعمل الحلو جلى بالفواكه وبطاطا بالكريم شانتية
وطبعا شوربة لسان عصفور والسلاطات
بس الاكل الاساسى اية مش عارفة جوزى عايز نعمل لحم بس مش عارفة لو جبت اللحم اعملها اية انا دايما بحطها مع الخضار ودى عزومة يعنى مينفعش الكلام دة
ارجوكم واللى عندها اقتراحات افضل ياريت متبخلش عليا مواضيع هذا القسم برعاية
ام توشى ام توشى 144576_1.gif فتكات نشيطة Fatakat 144576 القاهرة – ام الدنيا مصر