مساء الخير عليكم يارب تكونو فى احسن حال وربنا يقومنا كلنا بالسلامة
انا عملت موضوع من كام يوم ومحدش رد عليا ولا عبرنى وانا والله تعبانة ونفسيتى زفت ومحتاجة من اللى عندهم خبرة يفهمونى اى حاجة
انا اول حمل ليا ودلوقتى حامل فالتاسع كنت عنده الدكتورة يوم 7 وكشفت نسا وكنت فالاسبوع 37 وخمس ايام وقالتلى الراس تحت بس منزلتش الحوض وطلبت منى سونار ثلاثى عشان تشوف سبب عدم نزول الراس فالحوض
وفعلا روحت عملت السونار وروحتلها قالتلى انتى كدة فالاسبوع 38 وكان المفروض الراس تنزل الحوض هسيبك اسبوع كمان تكونى قفلتى ال 39 اسبوع ونشوف ايه اللى هيحصل ولو حسيتى بأى وجع او الحركة قلت او مية نزلت تعاليلى والمفروض هروحلها يوم الخميس عشان نشوف ايه الاخبار الراس نزلت ولا لا يا اما تحددلى قيصرى على الاسبوع الجاى
دلوقتى انا عاوزة اعرف هو نزول الراس فالحوض بياخد وقت اد ايه؟
وكمان الوجع اللى بحس بى بيبقى عامل ازاى؟
انا النهاردة حسيت ان وسطى من تحت كدة مفكوك او محلول وبعد شوية ارتاحت هل دة طلق ولا ايه؟
معلش انا متلغبطة واسألتى كتير وممكن تكون مش مفهومة بس والله غصب عنى انا مش فاهمة اى حاجة ونفسى حد يفهمنى ويقولى اجابات الاسئلة اللى عندى انا اول مرة ليا ومش عارفة حاجة
وكمان جوزى مش موجود ومسافر والدنيا ملغبطة معانا ومش عارف ينزل امتى هو عاوز يحضر الولادة
ياريت الاقى حد يجاوبنى على اسئلتى دى بالله عليكم ربنا يكرم كل واحدة ترد عليا
دلوعة بجد دلوعة بجد 325977_1.gif فتكات هايلة Fatakat 325977 الجيزة – مصر