اخيرا عرفت تقلية الكشرى

ازيكوا ياحلى فتوكات وحشتونى اوى والله
انا كنت محتارة ازاى بتتطلع تقلية الكشرىمقرمشة وزى الشيبسى واخيرا عرفت ومش معقول استفيد لوحدى
بصوا ياحلوين تقطعوا البصل فى ماكينة الشيبسى هيبقى ترنشات رفيعه جدا
وتفككوا الترنشات منبعضها وتحطوا عليها شوية ملح وشوية دقيق وتحطوها فى زيت غزير واول ما لونها يبقى دهبى حطوا معلقة خل لمدة دقيقة وبعد كدة شيلوا البصل على ورق النشاف هتلاقوة زى بتاع المحلات بالضبط
هديكوا كمان طريقة الشطة والدقة من عندى مش خسارة فيكم
الشطة: تجيبوا مقدار الشطة اللى تحبوة وتحطوها فى شوية زيت على النار هتكحوا شوية معلش وبعد كدة تحطوا عليها شوية مية وشوية صلصة مناللى عاملينها للكشرى وشوية ملح وكمون وتغلى شوية
الدقة: شوية ثوم مفرومين بملح وتحطيهم فى شوية زيت لحد ماتبقى دهبى وتحطى عليه خل وليمون وشوية مية وتسبيها تغلى شوية وبعد كده تصفوها علشان التوم وتبقى سايلة من غير حاجة فيها
وبكدة اكون عرفتكوا سر المهنة وتاكلوا كشرى زى المحلات جربوا وقولولى مستنيه ردكم
ومتنسوش دعوه حلوه بقا لاختوكوا
السلام عليكم ورحمه الله مبركاته مواضيع هذا القسم برعاية

أميرة قلب حبيبى أميرة قلب حبيبى 236383_178.gif فتكات غالية قوي Fatakat 236383 بورسعيد – مصر

سبحان الله و بحمده