اخى الصغير فى خطر

السلام عليكم

اخواتى ارجوكم الإفادة فى موضوع مهم يحزننى جدا

لى أخ اصغر منى ، هو فى ثانية ثانوى ، سن المراهقة يعنى ( الوالد متوفى ) والأقارب لا يوجد منهم احد

هو طول الوقت بره البيت ودايما مزعل ماما ودايما يعلى صوته عليها ودايما تتخانق معاه على الصلاة

مش بيصلى ولو صلى يصلى بس عشان ياخد فلوس منها او ينزل

والغريب والأغرب انه حاسس انه مش بيعمل حاجة غلط ،

كلمته كتير يقول لى : ماما دايما تضغط عليا ودايما اوامر اوامر انا مش صغير انا عارف مصلحتى

اقوله طيب ما انت مش بتذاكر ، مش بتصلى عشان كده هى بتخاف عليك وبتزعلك

يقول لى : هى تسيبنى وانا بالتدريج ح اعمل كده

يا بنات والله ماما عشان مريضة وصحتها على قدها مش بتضغط عليه بالعكس بتسيبه كتير

بس لما بتشوف ان حاله واهماله طول بترجع تزعق له عشان الصلاة والمذاكرة

اعمل ايه معاه وخايفى على امى لأن عندها القلب وبخاف يجرى لها حاجة بسببه

وهو قلبه قاسى ومش بيهمه

بس ازاى افهمه ان امه خايفة عليه وانه بيتعامل معاها بطريقة وحشة والله يا بنات كتير بتقعد تعيط

عشانه وهو بينزل ولا بيهمه

والصلاة يقول لى محدش ح يتحاسب غيرى ملكوش دعوة ربنا ح يحاسبنى انا

ولو صليت عشانكم يبقى رياء

اعمل ايه ازاى اتصرف معاه ؟؟؟ وهل نسبيه فعلا يعتمد على نفسه ومش نسأل فيه شوية ولا ايه ؟؟؟

طول اليوم قاعد يسمع اغانى اجنبى وافلام وخلاص يبقى ازاى ح يرجع للصلاة بس ؟؟؟

:m ood12:

eman_282 eman_282 596566_14.gif فتكات ست الكل Fatakat 596566 القاهرة – مصر

سبحان الله و بحمده