اهلا وسهلا بيكم فى جروب
*احناالستة وبس وبإذن ربنا هنخس*
احنا حكايتنا صغننة قوى احنا اتجمعنا فى جروب ما من جروبات الريجيم وكنا كتير لما لقينا نفسنا ما يش غيرنا الملتزمين بس قررنا نعمل جروب لوحدنا
واحنا ستة بنات قمرات فى مننا المتجوزات وفى مننا المخطوبات
وفى مننا كمان البنوتات
لكن كلنا مع بعضنا فتوكات
وعجبتنا فتوكة حلوة قوى هنا
كانت فى نفس وزننا وطولنا وعملت ريجيم غير لها حياتها
وبصراحة احنا هناخدها مثال لينا الشهر الاول هنا
هناخد كل اللى كانت بتعمله
ونظامها اللى عملتله موضوع كامل
يعنى بعد اذن ميويتى 1 احنا هنمشى على
نظامها اللى غيرلها حياتها علشان تتغير حياتنا هنا
لان فى مننا اللى عاوزة تبقى ام والتخنة منعاها
وفى مننا اللى معاها طفل وعاوزة تخاوى طفلها
وفى مننا اللى عاوزة تخس علشان فرحها
وفى مننا اللى عاوزة تخس علشان تسعد جوزها
وفى مننا اللى عاوزة تخس علشان تلاقى لبس يناسبها
وفى مننا اللى عاوزة تخس علشان صحتها
وفى وفى وفى اسباب كتير قوى
المهم انننا اتفقنا اننا كلنا هنخس
واكيد نتى واحدة برضه مننا جروبنا مش هيكون احنا بس
لا وانتو معانا بدون اشتراك مغلق
بس الاساسيين هيكونوا الستة المؤسسسين
وهنمشى على شهر نظام مع بعض لما نخلص الشهر بقى
اللى مشيت معانا بجد وبجدية هتكون معانا فى الشهر الجديد وهيبقى ليها توقيع وكمان هتبقى اساسية فى الجروب تمام كده
وده مش معناها اطلاقاا اننا مش هنهتم باى حد غير الستة
لا اطلاقاااطبعاا كل اللى هيدخل ويمشى معانا خلال الشهر الاول من نظام ريجيمنا
هنتابعه وكل حاجة
وبعد الشهر الاول اللى هنلاقيه كان ملتزم معانا بجد بجد هو بس اللى هينضم للجروب ويبقى اساسى تمام الكلام علشان مش حد يزعل
جروبنا هيكون جد وهنقرص على نفسنا علشان نحقق اللى بنحلم بيه
كفاية كسل كفاية تسويف
كفاية ملل كفاية تخويف
عاوزين العمل والجد والاصرار
يارب كلنا نخس ويبقى الجروب حلو بيكم
ناجى بقى للمهم والمفيد
اول حاجة
لازم على الاقل مرة فى اليوم تدخلى تكتبى تقريرك
على اليوم
كل حاجة دخلت بقك تتكتب لو سمحتى
والرياضة ضرورى حاجات خفيفة مش هنبأ بالتقيل
احنا هنمشى على اساس ايه بقى
اساس الهدف الاول
والهدف الثانى
والهدق الثالث
لغاية ما نوصل للوزن المثالى انشاء الله
ويكون الفرق بين وزنك الحالى والهدف الاول هو 5 كيلو
والهدف الاول والهدف الثانى برضه 5 كيلو
اما الثانى والثالث برضه 5 كيلو
اما الوزن المثالى بقى يبقى 10 كيلو
وكل واحدة تحسبها على وزنها
وياريت تتكتب فى التوقيع يا بنات علشان نعرف بس المعلومات باستمرار
وعلشان نقدر نتابع العدد
ليه كده يا مرمورة اقولكم علشان ما نملش على الاقل
انشاء الله فى اول شهر نوصل كلنا للهدف الاول
يعنى مثال ليكم انا مثلا
الوزن الحالى : 85
الهدف الاول : 80
الهدف الثانى : 75
الهدف الثالث : 70
الوزن المثالى : 60
تمام كده
تانى حاجة بقى
القواعد العامة التى لا يجب مخالفتها ابدااااااااا ها فاهمين و إلا ههههه
شرب اى مشروب ساخن على الريق بملعقة عسل نحل (ينسون .نعناع.ماء دافئ مع لمون وزنجبيل.قرفة .ويفضل غلى كمون مع لمون)مسموح بس ب2ملعقة سكر فى اليوم الماء كثيرا قبل الاكل بربع ساعة شفط البطن باستمرار وحركة ومجهود ومشى ورياضة على معدة فاضية مع لبس تقيل (شتوى)+كيس مشمع حول البطن صحيان ونوم مبكر والحفاظ على نظام الوجبات وحمام دافئ مع تدليك كثير مرتين يوميا ممنوع شرب المياة وسط الاكل وممنوع الاكل امام التليفزيون وممنوع الاكل ثم النوم عند الاحساس بالجوع بين الوجبات ممكن اكل ( خس .جرجير.فلفل اخضر.2جزر.2فاكهة) استعمال اكواب كبيرة للمياة والمشروبات الدافية وتصغير اطباق الوجبات لتقليل كمية الاكل مضغ الطعام جيدا وببطء لان دة بيؤدى لسرعة الاحساس بالشبع بعد حوالى اول 10 ايام هتلاقى يوم الاكل فية مفتوح ودة عادى ومهم جدا فى نفس الوقت لان دة بيعمل زى عملية صدمة او خدعة للجسم انك سبتى الريجيم وبعد كدة ترجعى لنظامك تانى فتخسى اكتر
تمام كده
ناجى لقائمة الممنوعات الاكيدة
قائمة الممنوعات
1- البيبسى ومشتقاته ههههههه معلش انا اكتر واحدة مدمنة على الحاجة الساقعة بس معلش هستحمل الاسبوع الاول علشان فى اخر الاسبوع الى هتخس هناخد واحدة بيبسى يوم الجمعة فرى ههههه يلا ادينى كريمة جدا معاكم اهه
2- الارز والمكرونة معلش معلش وكمان المحشى ده بس اول اسبوع معلش استحملونى هههه
3- المكسرات ليكى حبيبتى فى الاسبوع الاول 4 حبيات هههههه كريمة انا مش كده
4- الدهون اللى هى السمنة والزيت معلش المفروض نص معلقة ( شوربة ) سمنة او زيت فى اليوم ادينى كريمة معاكم اهه
5- ممنوع منعا باتا هههه اللب وشتقاته ولا سورى ولا ابيض ولا اسمر ولا حتى برتقالى هههه
6- السكر بقى ليكى فى اليوم معلقتين سكر صغيرين طبعا ها اه يعنى
ناجى بقى لايه يا فتوكات
للرياضة ودى مهمة جدا
وطبعاا ما فيش وقت الواحد يروح جيم ولا حتى ينزل يتمشى
طيب العمل ايه
لا ما تتهربيش يا فتكوة منك ليها ليها
ما فيش اى حجة
انا جبتلكم فيديو للمشى
وده تمارين انتى وواقفة مكانك
وهتخسرى نفس العرات لما تمشى ميل او 2 ميل على حسب الفيديو
وادى الفيديوهات
الجزء الاول
الجزء التانى
ناجى بقى لاهم حاجة
نظام الاكل
بس قبل ما اقوله
يا بنات اخر وجبة تبى الساعة 9 لو مسحتوا
ده ضرورى جدا جدا
يعنى اخر حاجة تدخل بقك قبل الساعة 9
علشان اى حاجة بعد كدع هتدخل هتضر الجسم اكتر من انها تفيده
تمام كده
هنقسم الشهر الاول الى 10 ايام 10 ايام
والميزان هيكون فى اليوم العاشر تمام
هنتوزن كويس ونشوف احنا خسينا كام
يعنى التقسيم هيبقى كالاتى :
ال 10 ايام الاولى
الافطار : شاى بحليب او نسكافية بملعقة سكر +2سميط او (بيضة.قطعة جبن.4ملاعق فول+نصف رغيف بلدى او رغيف سن )
الغذاء : طبق سلاطة خضراء +طبق خضار مسلوق (فاصوليا .لوبيا.كوسة.سبانخ.ملوخية.بامية.بسلة)+نصف رغيف بلدى او رغيف سن او 4 ملاعق رز مسلوق+بروتين مشوى او مسلوق او 2 قطعة لحم احمر او ربع فرخة او 2 بيضة مسلوقة او2سمكة مشويةاو علبة تونة بدون زيتاو قطعة جبن قريش كبيرةوبعد ساعة 2 ثمرة فاكهة
العشاء : لبن او 2 كوب زبادى منزوع الدسم +2فاكهةاو سلاطة فاكهة+سلاطة خضراء
ال 10 ايام التانين رقم 2
الافطار : كوب ماء دافئ على الريق
نصف رغيف بلدى او رغيف سن +بيضة مسلوقة او قطعة جبن قريش كبيرة او ملاعق فول مدمس بدون زيت بس بلمون كتير وكمون +سلاطة خضراء
وبعد ساعة شاى بلبن او نسكافية بملعقة سكر واحدة
الغذاء : كوب زبادى منزوع الدسم +2ملعقة ردة ثم كوب ماء كبير قبل الغذاء بساعة
ربع فرخة مشوية او مسلوقة بدون جلد او ثمن كجم لحم احمر مشوى او مسلوق بدون دهن او طبق صغير شوربة عدس بدون شعرية او 2 سمكة مشوية او فى صينية بدون زيوتاو 2 بيضة مسلوقة +طبق خضار مسلوق +طبق سلاطة خضراء+نصف رغيف عيش او رغيف سن
العشاء : كوب زبادى او لبن كبير منزوع الدسم او قطعة جبن قريش او بيضة مسلوقة او 3 ملاعق فول مدمس بدون زيت+سلاطة خضراء او 3 او4 ثمرات فاكهة متنوعة+طبق سلاطة خضراء
اما العشر ايام الاخيرة
تقريبا هيكون نفس النظام مع تغيير بسيط
ـ الجمعة اخيرا الغذاء مفتوح كلى كل اللى نفسك فية محشى مكرونة اللى يخطر ببالك كلية عادى
ـ الاحد والثلاثاء والخميس الغذاء بيكون فاكهة بس حوالى 4 او 5 ثمرت فاكهة +طبق سلطة خضراء كبير وعليها خل عادى او خل تفاح
وده النظام اللى كانت ماشية عليه اختنا
ميويتى 1 الفتوكة الشاطرة اللى خست
واحنا هنمشى عليه وهنخس زيها
هى يا بنات كانت كاتبة على ادوية
لكن انا مش بحبز الادوية
خلينا نعمل ريجيم لوحدنا بدون مساعدة من اى
عقار كميائى
اوكى كده
بس على الاقل نشرب يا اما
شاى ريجيم
او شاى اخضر
او جنزبيل وليمون
لانهم اولا بيحرقوا ثانيا انا جربت اول اتنين
بلينوا المواضيع علشان الامساك اللى بياجى
لما بنعمل ريجيم
فهمنى طبعااا
كده احنا اتفقنا على كل حاجة
باذن الله نبدأ من يوم
10 92016
ليه تيب التاخير ده
هقولكم ليه
علشان ندى فرصة لكل الناس تعمل حسابها على النظام
وتبدا معانا
خلاص يا بنات
تمام كده
وانشاء الله ربنا يطرح البركة فى الموضوع ده ::
ونبقى جادييين مع نفسنا
ونشجع بعض ونخس كلنا مع بعض اميييييييييييييييييين
مستنياكم انا والستة اخاوتى
اه صحيح ايه قلة الذوق دى
ده انا نسيت اعرفكم عليا انا واخاوتى الفتكوات ااستة
بصوا يا فتوكات
معاكم
موراسيرا
الوزن الحالى :85
نانا
الوزن الحالى :80
جاسمينا
الوزن الحالى:83
يارب فك كربى يارب
الوزن الحالى :85
اوشا
الوزن الحالى : 95
اوشى
الوزن الحالى :85
وادى الست فتوكات اللى اتحدوا علشان يقهروا السمنة
وطبعا مش ننسى ابدا ابدا اللى اوحت لنا بفكرة الجروب
واللى شجعتنا على تحدى التخنة دى
والللى اقتبسنا منها فكرة نظام الريجيم
اختنا العزيزة ميويتى 1
اشكرك كتيررر
وانشاء اللله خلال الشهر الاول نكسر90 لمن هم فوق ال90
ونكسر ال80 لمن هم فوق ال80
امين يارب
كده انا خلصت واقولكم على الف سلامة وصحة وريجيم هههههههههههه
بحبكم كلكوا
الاستاذة مريم المحامية الاستاذة مريم المحامية فتكات رائعة Fatakat 279951 الاسكندرية – مصر