الواحد لازم يستغل زوجه يا اسماعيل بيه ، امبارح زوجي العزيز طلبت معاه يتعشي سنوتشات برجر و بما اني عامله دايت و هو مصمم اني اكل معاه قلت اعمل البرجر في البيت عشا اضمن انو لحم احمر و ميبقاش في زيت خالص ، و هقولوكو علي طريقتي المعتمده في عمل البرجر و بيطلع تحفه و زي ماكدونالدز حتي شوفو
https://files2.fatakat.com/2015/4/13659313505919.jpg
الطريقه :
لحم مفروم علي حسب الافراد اللي هياكلو ،نحط اللحمه و عليها ملح -فلفل-بابريكا -قرفه -بودره بصل – بودره توم و نخلطهم كلهم مع بعض و نحط معلقه كاتشاب صغيره اوي و هو ده اللي بيدي الطعم و اللون ، اهم حاجه تكون اللحمه ساقعه يعني تطلعيها من التلاجه و تتبليها و ترجعيها تاني ،
بعد ما تسقع شويه نطلعها و ننفردها عي كيس بلاستيك و نقطعها بقي دواير و لو عايزه برجر زي هارديز و ماكدونالدز يبقي تخلي سمك القطعه كبير و متخافيش هيستوي ،
بعد كده نجيب طاسه تيفال و يادوب نمسحها زيت و تكون سخنه و نحط البرجر و نفضل جنبه و قلبه و نوطي النار شويه عشا يستوي كمان من جوه
نجيب الجبنه السلايس اللي بتسيح و نحطها فوق البرجر و هو في الطاسه عشان تسيح و بعديها نطفي النار و نكون محضرين الغيش الكايزر و فرشينه خس و مايونيز و مسترده ، نشيل البرجر و نحطوه و ممكن نزود جبنه للي بيحب و تحطي شريحه طماطم و كلي بقي احلي ساندوتش برجر من ايدك
انا كمان بجيب البايكون و دي بتبقي شرايح لحمه او تركي رفيعه زي الانشون كده و بتتحمر في الطاسه بزيت خفيف و برضو هتلاقو هارديز و تشيليز بيحطوها و ممكن نحط مشروم او سوسيس ،
جربوه و ادعولي انا و زوجي و بنتي .
https://files2.fatakat.com/2015/4/13659378517595.jpg مواضيع هذا القسم برعاية
nouna souma nouna souma 284752_1.gif فتكات متميزة Fatakat 284752 doha – qatar