ازيكو ياحبايب قلبى اناالنهارده جايه وجيبالكو طريقه للرز بتاع السمك المقلى وع فكره تمشى مع السمك المقلى والمشوى
اناعملتوا النهاردا وكان تحفه والله بقوا عندنا ف البيت عمالين ياكلوه وسايبين السمك
نيجى بقى للمهم الحاجات اللى هنحتاجها
بهارات
قرنفل
حبهان/هيل
ورق لورى
قرفه ناعمه(مطحون يعنى مش اعواد)
جنزبيل
فلفل اسمر
كمون
ملح طبعا
كارى
بصله متوسطه
كل ده بمكيات متوسطه حسب ماتحطوا ومتساويه
وطبعا الرز حسب الكميه اللى هتعملوها
نيجى للطريقه بقى:
انتى هتخرطى البصل مكعبات صغيره وتقلى عادى ف شويه زيت بس مش تحمريها اوى يادوب تصفر بس علشان مش تمرر منك
وبعدين اول ماتصفر عندك طريقتين زى ماتحبى او ع حسب مابتعملى هو يااما تحطى العقد بتاعك اللى هو المايه يعنى وتسيبيها تغلى وبعدين يحطى الرز
او يااما تشوحى الرز مع البصله وتقلبى تقلبتين كدا وبعدين تحطى المايه..اناعملت ايه بقى شوحت البصله لحد مااصفرت شويه وبعدين حطيت العقد للرز
وقمت حاطه كل التوابل بتاعتى وع فكره الحبهان تقشريه وتحطى الحب بتاعو اللى ف قلبه وكمان القشره وورق اللورى وكل حاجه وسيبيها لحد ماتغلى
وبعدين تسقطى الرز وتستنى لما يتشرب وبعدين وطى عليه خالص لحد مايستوى…وذوقى بقى احلى واطعم رز ممكن تاكليه بجد احلى من رز المطاعم
بكتييييييييييير واهو مضمون وانتى اللى عملاه وبجد كل اللى هياكله هيسألك عملاه ازاى …جربوا وع ضمانتىوبالف هنا وشفا مقدما..
مش هقولكوا قيمو والكلام ده كله بس كل اللى عيزاه دعوه جميله ان ربنا ينولنى اللى ف بالى ويفرحنى..
مواضيع هذا القسم برعاية
tamtam De ana tamtam De ana سوبر فتكات Fatakat 125237 In My Own World – In My room