السلام عليكم
أنا أسفه طبعا العنوان جامد بس بجد الموضوع مرعب وأنا عايشاه بقالى 4 ايام
مع إن بداياته من من 8 ايام بدأ برشح عند يوسف وجيبتله دوا رينو ستوب للرشح
أولا الدوا ده الدكتور قالى لسه قريب نازل عليه تحذير إستخدام لأقل من 6 سنوات
ثانيا وده الأهم إنك ما تعالجيش الرشح لإنه إنذار عن التعب اللى عند طفلك وإنتى بكدا
زى ما يكون بتقفلى المنبه وتنامى وكمان خطورته إنه بيحول الرشح لبلغم بيترسب
على صدر الطفل ويعمل إلتهابات لا قدر الله
المهم بعد 4 ايام فجأه يوسف كان نايم فى أمان الله لاقيته بينازع زى الكبار وأكتر
وصدره بيعلى وينزل وجسمه قايد نار
جرينا على الدكتور قالنا دى نزله شعبيه حاده قلبت بإلتهابات شديده وضيق فى النفس
وياحبيبى كان هلكان وقالى على الحاجات اللى قلت هالكم فى الأول
وأدينا بقالنا 3 ايام بنحايل فى النزله حقن مضاد
ولبوسات اشى للسخونه واشى طارد للبلغم وكمان شراب طارد للبلغم علشان نحاصر النزله
ومع كدا لسه السخونه بتهاجمه يمكن 3 مرات فى اليوم مع العلاج تخيلو لو لاقدر الله من غيره
بس الحمد لله النبره هديت شويه وربنا يسهل ويعفى عنه
أنا قلت أحذركم علشان متقعوش لا قدر الله فى نفس الغلطه
وربنا يحفظ ولادنا وولاد المسلمين أمين
دوده حبيبى دوده حبيبى 431574_20.gif سوبر فتكات Fatakat 431574 سوهاج – مصر