ازيكم يا فتوكات
انا اترددت كتير اكتب الموضوع ده علشان فيه ناس ممكن تزعل و تتقهر كمان لكن حسيت ان لازم انبهكم علشان يبقى عندكم خلفيه واكيد فيه كتير منكم يعرف المعلومات ده لكن انا بقولها للي ميعرفش
طبعا كتييييييييير مننا عنده كيتشن ماشين براون وانا واحده منهم وفيه كتير بيسأل عايز يتشري لكن اسمع بقى اللي اشترت كيتشن ماشين براون ومكتوب عليها الماني واسمع 300 جنيه واسمع 400 جنيه واسعار غريبه قوي
للاسف يا جماعه الحاجات ده كلها مش اصلي ولا تمت للبراون بصله واللي يقولك اصلها رخيصه علشان متهربه واللي يقولك اصلها مسروقه من كارفور ايام الثوره او جايه متهربه من ليبيا والكلام الغريب ده
اولا ده منتجات براون الاصليه وبعض انواع الكيتشن بتاعتها واللي موجوده في موقع براون نفسه
وده الطبعا الشهيره اللي عند معظم اللي اشتروا كيتشن ماشين براون
اما بقى عن المنتجات المقلده وللاسف اللي كتير وقع في المطب ده واشتري على اساس انها براون الاصلي وفرحان انه جابها بأقل من نص تمنها في السوق في حين انها اغلى من تمنها الحقيقي اضعاف مضاعفه
ده صوره الكيتشن الشهييييييييره وشفتها كتير بتتباع على المنتديات ب 400 و 450 واحيانا 600 و 650وهيا في الاصل انا شفتها بعيني ب 180 جنيه في محل ومحل تاني قال 190 جنيه
وفيه حيقولك مكتوب عليها وتكون بالشكل ده
وفيه اشكال وانواع كتير وفيه حيقولك محفور على الجهاز من تحت انه الماني وفيه ناس فتحوها لقوا الموتور صيني
وعموما اللي ناويه تشتري وعايزه تعرف اذا كان اصلي ولا لأ تنزل محلات كبيره زي كارفور مثلا او فتح الله وتبص على الاجهزه عندهم وتشوف حتلاقي حاجه زي ده هناك ولا لأ وطبعا الاضمن توكيل براون نفسه
ومعلومه بسيطه برضه:نفس الكلام على المكنسه الناشيونال الاصلي الياباني المحفور على موتورها انه ياباني وتلاقي ب 250 و300 جنيه .. فده برضه مش اصلي نهاااااااائي لان مصنع ناشيونال قفل من زمان واشترته شركه بناسونيك والمكنسه البناسونيك الياباني شفتها بعيني في كارفور ب 1500 جنيه فازاي من 1500 ل 250 جنيه؟!!!!
وللمعلومه برضه : المنتجات ده كلها بتلاقيها بتتباع على الرصفان او البياعين اللي بيلفوا في الشوارع وعلى البيوت فالمنتجات ده كلها مش اصلي لان مفيش بياع من دول حيبيع حاجه اصلي لانها سعرها بيكون غالي وبعدين سعرها معروف فاللي حيشتري بيفاصل ب 100 وال 200 جنيه ويمكن اكتر هو بقى وشطارته
وحتلاقوها برضه في محلات الاجهزه الكهربائيه بتتباع عادي .. علشان كده بقول لكم انزلوا كارفور واعرفوا ايه اصلي وايه مش اصلي
**نصيحه** لما تشتري اي جهاز كهربائي برضه تأكدي ان اسم المنتج مكتوب صح لان ساعات بيحرفوا الماركه بتغيير حرف منها زي مثلا(braun)بيكتبوها(brawn)
او(panasonic) بيكتبوها (panasoanic)
او(molinex) بيتكبوها(molinox)
وهكذا في جميع الماركات حتى بتلاقي متقلد نفس شكل العلبه لكن متغير حرف
اتمنى اكون افدتكم ومحدش يزعل من كلامي
معلومه مهمه للى هيشترى كيتشن ماشين
#59
contesa contesa 135274_1.gif فتكات هايلة Fatakat 135274 الاسكندريه – مصر