احتياجاتك في الستشفي للولادة لسة والدة من 4 ايام
السلام عليكم
الحمد لله ربنا كرمني و ولدت من 4 ايام قيصري لان ضغطي عالي و البيبي وزنه كان ضعيف و انا كنت خلاص عديت 20 يوم في التاسع
انا حقولكم عن الاحتياجات الضرورية عشان متكتروش عالفاضي مع العلم اني قعدت 3 ايام في المستشفي
عدد (4 ) غيار داخلي للام
عدد (3 ) غيار للطفل من ضمنهم الي بيتلبس ساعة الولادة
حفاضات النفاس الخاصة بالام
حفاضات البيبي و دي ممكن تاخدي معاكي العبوة الي فيها 15 حفاض بس
برا خاصة بالرضاعة تلبسيها بعد الولادة علي طول
توكة زيادة لان انت بتدخلي العمليات بدون اي شي في شعرك
طرحة طبعا للمحجبات
روب تقيل لو الجو برد
عباية ليكي عشان تروحي بيها
مشط او فرشة تسرحي شعرك بيها
شبشب ليكي عشان تتمشي بعد الولادة
طبعا الي بتولد قيصري بعد الولادة بساعتين الممرضة بتجيبها و تقوم تفك القسطرة الخاصة بالبول و بتخليها تتشطف طبعا بعيد عن الجرح و تغير ملابسها و تحط خفاضات النفاس
و بعدها لازم تبدا تتمشي عشان تعمل غازات و تبدا تاكل و تشرب و دي خطوة مهمة جدا لالالازم تمشي
طبعا الالم بيكون رهيب ملوش وصف كانك مش حتمشي تاني بس سبحان الله مجرد ما تقومي مرة خلاص كله بينتهي بيفضل بس وجع في الظهر كام يوم حتي بعد الخروج من المستشفي و ده طبيعي
و لازم ترضعي البيبي باسرع وقت ممكن عشان يتعود علي الرضاعة لانهم في غرفة الاطفال بيدوهم ببرونات لبن صناعي
و انت كل ما تتاخري عليه حيتعود علي اللبن الصناعي
و ربنا يقومكم بالف سلامة جميعا و اي سوال انا تحت امركم
* الملكة * * الملكة * images/lettersavatars/sym@.gif سوبر فتكات Fatakat 952052 السعودية – السعودية