السلام عليكم
معلش يا بنات انا زهقتكم بس انا تعبانه اوى ومتوترة ومتلخبطة ومش عارفه انا فيا ايه
انا البريود كانت قطعت عندى وعملت تحليل دم بعد 10 ايام من تاخيرها وظهر حمل ونسبته 3000 بس مكنتش روحت لدكتورة ولا حاجه عشان كنا اجازة العيد اول امبارح بقى نزل عليا افرازات بنى كدا ومغص جامد وفضلت ناميه على ضهرى امبارح بقى دم زى البريود كدا ومغص بردو فى بطنى وضهرى بس الدم مش كتير
روحت للدكتورة وعملت سونار وقالتلى مفيش اى حاجه باينه خالص بس انا قبلها كنت اخده حقنه مثبت
المهم مش شايفه اى كيس حمل خالص ولا فى اى مكان برا الرحم
روحت حللت تانى اشوف الهرمون لقيته 4799 ودا كدا يبقى بعد 9 ايام من الاولانى
النهاردة قالتلى هتعملى سونار مهبلى عشان تشوف بالظبط فى ايه
ولسه بردو بينزل عليا دم انا مش عارفه لو دا اجهاض والجنين كان ميت مكنتش هحس بالوجع دا
ولو دا اجهاض منذر ازاى مفيش حاجه باينه فى السونار خالص
للعلم انا فى الاسبوع السابع ……يا رب الى تعرف حاجه تطمنى عشان انا مرعوبه جدا والله مش على الحمل الحمد لله يعنى انا بس خايفه يبقى فى مشاكل وربنا يجازيكو خير يا رب
7abebt_Ahmed 7abebt_Ahmed 709486_1.gif فتكات نشيطة Fatakat 709486 Alex – egypt