يسم الله الرحمن الرحيم
النهارده عزماكم على العشاء
اكلة ايطالية كلنا بنحبها والولاد بيعشقوها وبنروح ناكلها في المحلات نغرم مصروف الشهر كله
طب تعالي اعلمهالك ومش هتغرمي حاجه كل حاجه هنستعملها موجوده في الثلاجه او الفريزر بتاعنا
علزماكم النهاردة على البيتزاااااااااااااااااااااااااااااااااااااااااااا ا
على طريقتي الخاصة وبنفس اجدع ناس وبس
بسم الله ابدأ
اول حاجة نحضر المكونات:
3 كوب دقيق – ربع كوب زبده – لبن للعجن – كيس خميرة فورية او بيكنج باودر – ملح سكر
صلصه – طماطم – بصل – فلفل رومي – واي مكونات للحشو عندك في التلاجه جبنات لحوم فراخ فاضلة من الغدا اي حاجه
الطريقه على الطريقه الاجدع ناسوية
تحطي 2 كوب الدقيق في بوله عميقه
وتدفي اللبن وتحطيه في بوله تانية وتضيفي عليه الخميرة ورشه ملح ورشه سكر ونص كوب دقيق وتقلبيهم مع بعض بالشكل ده وتغطي عبال مانخرط الخضار
شايفه الخميرة بتغلي ازاي كده صح
تعالي بقى نقطع الخضار والحشو
خلصتي برافو شوفي كده الخميرة اخبارها ايه نفشت طب عظيم تعالي بقى وهاتي بوله الدقيق واعملي فيها حفرة في النص وصبي الخليط فيها وضيفي ربع كوب الزبده معاها كده
اعجني كويس ولو لسه بتمسك في ايدك ضيفي شوية دقيق لحد ما تمسك في بعضها وكوريها وادهني وشها شويه زيت وغطيها وسيبيها ساعه هتلاقيها بقت كده
افردي العجين في صنيه البيتزا وسيبيها ترتاح شويه عبال ما تعملي الصلصة
هاتي شويه طماطم واضربيهم في الخلاط ضربا مبرحا حتى تستغيث ثم حطيها على النار لحد ماتتسبك ولما تتسبك حطيها في بوله صغيره وضيفيلها زعتر كتير معلقه كبيره زيت او استعملي صلصه على طول وضيفلها الزيت والزعتر وافرديها عالعجين بالشكل ده
ضيفي فوق الصلصه اي حشو انت عايزاه ممكن تعمليها جبنات بس ممكن خضاربس ولو عندك لحمة او فراخ من الغدا او متفضلين عندك في التلاجه هاتيهم نسليهم شرايح وحضيهم على البيتزا وضيفي شرايح البصل والطماطم والفلفل الرومي ولو عندك زتونتين عالماشي اوك ميضرش
وبعدين افرمي جبنا تركي او جبنه شيدر لو معندكيش موتزاريلا وحطيها عالوش لحد ماتغطيه تماما بالشكل ده وبعدين تجيبي ازازة الزيت وتحطي على وش البيتزا شوية شايفين في الصوره زيق رفيع على كل البيتزا اوك اوعي تكتري
وبعدين دخليها الفرن على الشبكه الوسطانية وسيبيها 45 دقيقه وطلعيها واقلبي طرفها بسكينه لو بقت دهبي بالشكل ده تبقى جهزت كده للاكل
متنسوش اني عازماكم اتفضلوا كل واحدة لها طبق وبالهنا والشفتشي
ياريت الموضوع يعجبكم
وياريت اللي يدخل الموضوع يرد ويدعيلي بتيسير الحال مواضيع هذا القسم برعاية
سوار كسرى سوار كسرى 389996_2.gif سوبر فتكات Fatakat 389996 بيتي – بيتي