السلام عليكم ورحمة الله وبركاته
يا رب يديم علينا الصحة والعافية جميعاً ولا يرينا مكروهاً .
المرض اللي بتكلم عنه هو السرطان وقانا الله جميعاً منه .. أنا شايفة إنه بقى في ازدياد بشكل كبير .
أنا قضيت 30 سنة من عمري بدون ما اسمع عنه الا في المجلات والتلفزيون .
لغاية سنة 2024 لاقيت المرض بيصيب ناس قريبة مني وورا بعض بشكل يخض
في 2024 اصابة خالي بسرطان المعدة وفي مرحلة متأخرة اتوفى بعد التشخيص بـ 3 شهور _
في 2024 اصابة والدتي بسرطان بطانة الرحم و اتشخص المرض عندها في المرحلة التانية وخضعت لعملية اسئصال رحم وبعدها جلسات اشعاعي و ما احتاجتش لعلاج كيماوي وهي الحمدلله شفيت من المرض .
في 2024 اصابة والد مرات اخويا وصديق العائلة وكان صاحب فضل كبير وزي ما بيقولوا كانت جمايله مغرقانا اصيب بسرطان البروستاتا وتم التشخيص في مرحلة مبكرة نوعا ما ورفض العلاج الطبي ولجأ للطب البديل وبعدها المرض وصل لمرحلة متاخرة وخضع بعدها للعلاج الكيماوي والأشعاعي بس عاش بعدها سنتين في معاناة مريرة ربنا يتغمده برحمته . ( ما عنديش فكرة ايه الاعراض اللي اشتكى منها واستدعت اجراء الفحوصات )
في 2024 اصابة جوز خالتي بسرطان البروستاتا وتم اكتشاف المرض في المرحلة التالتة وخضع لعملية ولعلاج كيماوي والحمدلله تم شفاؤوه وهو في مرحلة المتابعة كل تسعة اشهر. ( ما عنديش فكرة ايه الاعراض اللي اشتكى منها واستدعت اجراء الفحوصات )
ما بين سنة 2024 و 2024 اصابة جوز صديقتي في الأربعين وابن صديقة تانية كان مخلص ثانوي بسرطان الدماغ وتوفوا نتيجة مضاعفات المرض ربنا يرحمهم . واصابة عم صديقتي بسرطان القولون واكتشاف المرض في مرحلة متأخرة ووفاته بعدها بسنتين بعدها بسنة والد نفس الصديقة اتشخص بأصابته بنفس المرض وفي القولون برضه شكل الموضوع وراثي وتم تشخيص المرض في مرحلة مبكرة وخضع لعملية اسئصال جزء من القولون وعلاج كيماوي واشعاعي والحمدلله تم شفاءه .
سنة 2024 اصابة جوز أختي بسرطان القولون وتم تشخيص المرض في المرحلة التالتة وخضع لإسئصال جزء من القولون وبعدها بشهر لعلاج كيماوي لمدة 6 أشهر ودلوقتي هو في مرحلة المتابعة وأخر فحص عمله من أسبوع وكانت النتيجة سلبية والحمدلله والمفروض كل اربعة شهور يخضع لفحص وبعد كده كل تسعة شهور وبعدين كل سنة عشان التأكد من عدم عودة المرض مرة أخرى .
سنة 2024 اصابة خالي التاني بسرطان البنكرياس والمرحلة متأخرة ودلوقتي هو بيخضع لعلاج كيماوي . ( ما عنديش فكرة ايه الاعراض اللي اشتكى منها واستدعت اجراء الفحوصات )ربنا يشفيه .
مهم جدا وده من تجربتي مع المصابين انه في اعراض مبكرة لسرطان الرحم وسرطان القولون اذا حد تعرفوه اشتكى من الحاجات دي لازم تنصحوه انه يروح يكشف عند دكتور متخصص عشان التأكد ولو لا سمح الله تبين ان في خلايا سرطانية ممكن علاجها قبل ما المرض ينتشر ويكون من الصعب علاجه . العلاج في المراحل الأولى بتبقى نسب الشفاء عالية جدا توصل لـ 90%
أهم الأعراض المنذرة والتي تستدعي فوراً استشارة طبيب متخصص :
سرطان الرحم :
عودة العادة الشهرية للمرأة بعد سن اليأس:
يعتبر هذا إشارة تحذير على احتمال الإصابة بالسرطان وتعتقد بعض النساء أن ذلك قد يكون ناجما عن جرح صغير أو شيء في البول.
ولكن عودة نزول الدم بعد سن اليأس إشارة إلى وجود سرطان في الرحم والذي يمكن علاجه إذا اكتشف مبكرا.
سرطان القولون :
تغير عادات التبرز . وتغير لون البراز ووجود دم في البراز دي اهم الاعراض على سرطان القولون فيجب الانتباه لها وملاحظة اي تغيير غير عادي
فمجرد تحليل للبراز لا يستغرق وقت ولا يكلف مادياً ممكن أن يكشف عن احتمال وجود ورم اذا ظهر ان هناك دم في البراز يتطلب ذلك عمل منظار للقولون لأكتشاف اي لحميات ويتم استأصالها في الحال حتى لا تتحول الى ورم سرطاني .
وعند اكتشاف المرض يتم العلاج بواسطة الطب الحديث وبلاش اللجوء للطب البديل او الوصفات الشعبية الا بأستشارة طبيب متخصص ويكون تحت اشراف طبي . لأن كتير ناس العلاجات دي تسببت بتدهور حالتهم .
أتمنى من أي اخت عندها تجربة مع اي نوع من انواع السرطان وتقدر تفيدنا عن اهم الأعراض اللي عانوا منها واستدعت اللجوء للطبيب وازاي تم التشخيص . وكان المرض في أي مرحلة .
أنا بتأسف عشان الموضوع بس انا حبيت اوعي الناس علشان درهم وقاية ولا قنطار علاج . أو كما يقال الوقاية خير من العلاج .
عاوزة دعواتكم الطيبة بتمام الشفاء لجميع المرضى وربنا يديم علينا نعمة الصحة والعافية .
Nora Ali Nora Ali 378592_2.gif فتكات هايلة Fatakat 378592 الخبر – السعودية