السلام عليكم
إزيكم يابنات
تخيلوا أنا اللى مبعرفش أعمل حاجه عملت الغريبه وطلعت فوق الممتازه
هقولكم على المقادير على طريقه برنامج من مصر
المقادير
……………………
1/2 مقدار سكر ناعم
1 مقدار سمن طرى
2 مقدار دقيق
الطريقه
…………………..
أول حاجه هنولع الفرن ونقفله
وبعدين نبدأ بسم الله
هنجيب وعاء ونحط أول حاجه السكر الناعم
ونخلط عليه السمن
ونفضل نقلب بمضرب البيض لحد ما تختلط كويس وتبقى زى الكريمه ولونها يفتح شويه
وبعدين نضيف الدقيق بس مش كله مره واحده
شويه شويه يعنى وإعجنى بإيدك بقى وإرمى المضرب فى الحوض وسيبك منه
ولما كله يتخلط كويس قوى
هاتى صينيه الفرن وإبدئى شكلى ورصى فى الصينيه
وبعدين روحى على الفرن وقللى حرارته شويه خليه على 180 مثلاً أو 200
ودخلى الصينيه
وسيبيها 1/4 ساعه أو 1/3 ساعه
وبعدين طلعى الصينيه
ومتلمسيش الغريبه متبقيش طفسه
سيبيها فى مكان جيد التهويه لغايه متبرد خاااااااااااالص
لانك لو حركتيها قبل كده هتتكسر
وبعدين رصيها فى طبق حلوووووووووو وإجرى على زوجك وفرحيه بشطارتك
مواضيع هذا القسم برعاية
Lovely Moon Lovely Moon 109352_2.gif سوبر فتكات Fatakat 109352 الأسكندريه – جمهوريه مصر العربيه