السلام عليكم
الموضوع او المشكلة اللى عندى انى من 2024 صحيت من النوم فجأة عمالة اعيط وقلبى مقبوض وعندى وسواس الموت الحالة دى استمرت معايا من شهر 12017 الى شهر لحد لما اشتغلت فى شهر 9 وابتدت تروح بالتدريج مع الشغل وفى 52016 اتخطبت وخطيبى قالى اقعدى من الشغا واتجوزت 82016 وحملت فى شهر 10 وولدت فى 72015 وكملت عادى وطول فترة جوازى وحملى عليا ضغط جامد من اهل جوزى اصلا قادرين اوى ومفتريين وبالتالى لما بيقولوا حاجه لجوزى حتى لو كانت غلط كان يجى يتخانق معايا المهم حماتى اتوفت 12015 وكنا بايتين معاها فجوزى صحانى من النوم عشان اتاكد اذا كانت اتوفت ولا لآ انا طبعا اول مرة اشوف حاجه زى دى كنت عادى اول شهرين ومرة واحده قبل ماانام قريت الاذكار وتانى يوم صحيت برضه عمالة اعيط وقلبى مقبوض وكده وكل مااسمع ايه فى القرأن احس انها علامه على كده ومن شهر 2 لغايه دلوقتى وانا عندى الخوف ده واننا عارفه انه مجرد وسواس بس بحس انه ساعات بيسيطر عليا جامد بقيت بخاف اصلى بخاف اروق او اعمل علاقة مع جوزى او ارق لماما او اعمل حاجه كنت بعملها عادى وبعتبرها عادى زمان بحاول اقاوم بس لحظات بيسيطر عليا وروحت لدكاترة وشيوخ كتير وخدت ادويه مع انى برضع ولا عملوا نتيجه معايا -وبرفض العلاقه معجوزى بسبب الخوفده وبقيت مهملة فى بيتى وجسمى وشكلى بقيت اخاف من كل حاجه ومن اى كلمه اوفعل حد يعمله او يقوله واللى زاد عليا كمان موضوع اختلال الانية او الشعور كانى فى حلم او عدم الاحساس بالواقع بالله عليكم ساعدونى ماما بتقولى انتى هتخربى على نفسك وجوز هيزهق انصحونى
مشوشى مشوشى فتكات حبوبة Fatakat 545126 القاهرة – مصر
سبحان الله و بحمده