السلام عليكم ورحمة الله وبركاتة
كيفكم يافتوكاتى ياحبيباتى
وحشتوووووووووووووووووووووووووووونى جدا
بحبكم فى الله
انا بقى يافتوكة منك ليها كنت قاعدة لابيا ولا عليا
فطقت فى دماغى انى عايزة اكل حاجة دلوقتى
ففكرت قلت انا عندى ايه فى الثلاجة لقيت فضلت خيركم
لنشون فراخ ولحمة
جبنة نستو و جبنة رومى وجبنة فلاحى
بيض وزيتون مخلى
قلت قشطة انا هتعشى عشوة حلوة
بس انا لسة هحط كل صنف فى طبق وارص على الصينيه واتشتت لا ياعم
رحت بقى عملت ايه قمت جايبة المكونات اللى فى الصورة دى
المكونات:
عدد 2 بيضه لو 3 يبقى فل
لنشون فراخ شرحتين
لنشون لحمة شرحتين
زيتون مخلى مش كتير
شرحتين جبنة رومى
3 قطع جبنه مثلثات
حتة جبنة فلاحى ولو جبنة بيضا برضه هتبقى عسل
معلقة دقيق وعليها الملح والفلفل الاسود
معلقه كاتشب او صلصة صغيرة ولو مفيش نو بروبلم
تمام
الطريقة
نجيب الكبة ونحط فيها البيض مع الدقيق والفلفل الاسود والملح والكاتشب ونضربهم ضربتين حلوين
بعدين نضيف باقى المكونات ونضربهم كمان ضربتين حلوين
وعلى طاسة تيفال فيها شوية زيت صغنين ونحط الخليط الجامد ده
ونغطيها دقيقة ونسبها على نار هادية
وبعدين نشيل الغطا هنلاقى قرص جميل كدة شبه الاومليت
نقلبه على الناحية التانية تكمل سوا
بس انا طبعا علطول مستعجلة قلت انا جعانة انا لسة هقلب رحت بغبائى قلبتهم فى بعض زى البيض المقلى
ورشيت على الوش شوية جبنة رومى حلوين وعلى الطبق عدل مع شوية زيتون مخلى جميل
ودية كانت عشوتى وتوتة توتة فرغت الحدوته لالالالالالالالالالالا قصدى الاكلة
يارب تعجبكم يافتوكاتى يلا بقى نفسى فى دعوة حلوة بصلاح الحال
والتقيم
احبكم فى الله
مواضيع هذا القسم برعاية
sos axtrom sos axtrom 561795_1.gif فتكات هايلة Fatakat 561795 الاسماعليه – مصر