ازيكوا يا فتوكات …
أنا ححكيلكوا النهاردة عن مشكلة رهييبة كنت بعاني منها : أنا ولدت قيصري أخر مرة ، وقعدت بعد الولادة فترة طويلة وزني بيزيد م ن قلة الحركة ، لدرجة كانت بطني مترهلة بفظاعة ، لدرجة إني كنت ببذل مجهود ف الركوع أو كل ما أضطر أوطي ده غير مفاصلي وركبي اللي اتهروا ادوي ، مع إني لسه ماعجزتش والله ، قوم إيه يا بنات : سمعت من فتوكة هنا ف المنتدي إنها عملت عملية شفط لدهون البطن في مستشفي أبو الريش ومبقاش عندها بطن خااااالص!! بس كانت مشكلتي إني مقدرش استحمل البنج الكلي تاني وللأسف العملية بتتعمل ببنج كلي ف أبو الريش … لحد ما ربنا كرمني بسنتر جراحات تخسيس بيعملوها ببنج موضعي بس !! يعني بشوف الدكتور ( للأسف دورت كتيييير ملقتش دكتورة بتعمل العملية دي !!) بشوفه وهو بيشفط البطن ، كنت قلقانة اني مش أقدر أستحمل الألم بتاع الشفط ، بس لما رجت فهموني إن الألم بسيط ومحتمل لأنهم الأول بيحقنوا بنج جوه منطقة الدهون قبل ما يحقنوا المواد اللي بتدوب الدهون ويرجعوا يشفطوها .. برضه قلقت أوي إني مش أقدر أستحمل ، بس عرفت إنهم بيدوا بنج نصفي لو الألم أكبر من غني أستحمله .. روحت وخدت معايا ماما و الحمد لله الألم كان اوفر شوية بس استحملته ببنج موضعي ، والحمد لله بطني وجنابي اختفوا تماما وبعد شهرين من غير دايت كمان نزل وزني كله 15 كيلو بحالهم ، أنا حبيت أنقل تجربتي هنا عشان حاجتين / أولا أفرفش شوية المواضيع والتجارب الشخصية الأليمة !! وكمان شان أعرفكوا إن الشفط دلوقتي الجديد بيتعمل ببنج موضعي وكمان الغرزتين التجميل بتوع الشفط مش بيبانوا خالص بعد العملية ، بس ماتنسوش تقييم موضوعي وكمان عاوزة أي فتوكة ليها تجربة ف علاج الحفر بتاعة حب الشباب والنمش تقولي عليها فووووووووورا !ّ!!
أم عبد الرحمن وجني أم عبد الرحمن وجني فتكات حبوبة Fatakat 1175911 القاهرة – مصر
سبحان الله و بحمده