السلام عليكم ورحمه الله وبركاته
كل سنة وأنتم كلكم بخير وطيبين وربنا يحقق لكل واحدة ما تتمناه في رضا الله ويا رب نكون كلنا السنادي أو السنة اللي جاية على جبل عرفات آميييييييييييييين
بصوا بقى يا فتوكة منك ليها أنا من محبين القلقاس جدددددا أنا وزوجي
أنا الأول هقولكم على الطريقة وبعدين أنزلكم الصور ماشي
أول حاجة هنجيب القلقاس ونقشره ونقطعه مكعبات أنا بحبه مكعبات متوسطة ونكون حاطين ماء على النار ولما تغلي نحط فيها نصف لمونة ونحط القلقاس يأخذ بس غلوتين وبعد كدا نصفيه ونشطفه كويس جدا هو هيكون نظف ونزل المادة الازقة بتاعته
نكون طبعا سلقنا اللحمة أو الفراخ علشان نأخذ الشوربة بتاعتها وأنا هنا عملتو مع على شوربة لحمة ) بسلق اللحمة في ماء وبصلة مقطعة أربع تربع و3 فصوص توم وشوية قرفة على حبهان على فلفل أسود على ورق لوري ولما تدخل اللحمة في السوا أضيف الملح )
نأخذ الشوربة بعد ما نصفيها ونحط فيها القلقاس ونسيبه يستوي براحته
في أثناء سوى القلقاس هنحضر السلق هنقطف السلق ومعاه نصف حزمة كسبرة خضرا ونغسلهم كويس ونصفيهم ونحطهم في الخلاط مع شوية ماء صغيرين جدا علشان بس الخلاط يمشي ونضربهم ضربا مبرحا بس بلاش الوش هههههههه ماشي
وأول ما يدخل القلقاس في السوا نطفي عليه ونجيب مصفاه ونصفي السلق عليه نصفيه كويس جدددددددا ونولع النار تاني على حلة القلقاس واللي هيبقى في المصفاه نأخذه ونحطه في طاسه ونحط عليه زبده ونقلبه فيه لحد لما ينزل ميه كدا من السلق نقوم نازلين بالتوم المفروم ناااااااعم جدددددا ونقلب لحد لما نشم الريحة بقى الواو مش هقولكم أنتو جربو بنفسكم ونقوم نازلين طش على القلقاس وقلبي وأطفي النار وقدميه في طبق وبالهنا والشفا مع رز بالشعرية ولحمة محمرة وشوربة
الآلالالالالالالالان أترككم مع الصور:
وده طبق قلقاس لأول رد
متنسوش التقيييييييم ودعوة بظهر الغيب ربنا يصلح حالي وحال اولادي ويكرمني بختم القرءان بحبكم في الله مواضيع هذا القسم برعاية
omanas88 omanas88 151636_2.gif فتكات هايلة Fatakat 151636 جده – المملكة العربية السعودية