السلام عليكم ورحمة الله وبركاته
حبايبي واخواتي في المدونة ربنا يكرمكم كل الخير يارب من اول امبارح وانا مدمرة نفسيا
حالتي كالاتي ضيق في التنفس بحه في الصوت بيزداد بشكل سريع جدا
روحت معهد السمع والكلام بامبابه عملت تصوير حنجري قالولي عدوى بكتيرية ولازم استشاري كبير يحددلك الدوار لاني حامل
روحت لاستشاريين بره المعهد قالولي مضاد حيوي خفيف لحد الولادة ومفيش اي تحسن الشهر اللي فات كف انت ثلث الحنجرة مقفولة الشهر ده زادت جدا نسبة القفل ايه قافل الحنجرة
قشور من الجيوب الانفية تكونت في الحنجرة الحمدلله لو دي الحالة وانا بولد هعمل فتحه في الزور عشان اعرف اتنفس وميحصلش اختناق اثناء الولادة
اول امبارح بقى كنت بموت ومش عارفه اتنفس طول الليل في المستشفيات على الاكسجين وطبعا كل المستشفيات طوارئ عشان كنا بالليل فمفيش استشاري يشوف حالتي منه لله دكتور روحته قال الاتي
انتي حالتك سيئة وهتفضلي من سيء لاسوا ودي كوروما ومعدية طيب ايه العلاج مفيش علاج الا بعد الولادة طيب ما اولد دلوقتي والنونه هي ونصيبها في الحياة او لا ما انا لو فضلت كده هي كمان ممكن تموت لان مش هيوصلها اكسجين
قالي اه طبعا ممكن تموت ما هو مفيش اكسجين كافي ليها طيب يبقى الحقني انا وهي تدخل الحضانة حتى انا فعلا كنت بموت ولو قعدت هموت انا وهي
يقولي لا انتي لما تلاقي نفسك اتخنقتي اكتر وازرقيتي وحصل تشجنات تعاليلي الحقك
حسبي الله ونعم الوكيل فيه قالي علاجك عملية بعد الولادة هنعملها كل شهر ب3000ج في الحكومة وب10ل15 الف في الخاص
كل شهر هترجع القشور ولازم تتشال وهتاثر على الاحبال الصوتية وهنفتح الحنجرة ونركب انبوبه تتنفسي منه وممكن ميكونش عندي صوت بعد كده مشيت من عنده والدنيا سودا سواد السنين منه لله
روحت لدكتور استشاري قالي نفس كلام معهد السمع ان لازم علاج قوي ومفيش رضاعه بعد الولادة ولازم اولد باسرع وقت عشان القشور بتزيد وعلاج مؤقت يوقف كترها وراحة تامة تامة مقومش الا للحمام والصلاة بس لان فعلا المجهود بيخليني الاكسجين يقل وعلى طول مشغلة المروحة حاسه باني مش عارفه اتنفس من قلة الهوا الحمد لله هو طمني طبعا كده حالتي الحمد لله احسن كتييييييير وربنا كريم
اللي عنده جيوب انفية بتعمل قشور لازم لازم يتابعها انا اهملتها هي عندي من 12 سنة وعملت عمليتين جراحية ببنج كلي تنضيف للقشور ورجعت تاني
تجربتي دي ليكم اوعوا تهملوها هي عاملة زي مرض السكر لازم علاج ومتابعة طول الحياة
ومش اي دكتور نسمع كلامه لازم نتاكد من دكتور تاني
وادعولي ربنا يقومني بالسلامة ويبارك في بنتي يارب
تايبست تايبست2016 تايبست تايبست2016 فتكات هايلة Fatakat 578065 القاهرة – مصر
سبحان الله و بحمده