السلام عليكم ورحمة الله وبركاته :
ازيكم يا فتاتيك يا مبقلظين زى حالاتى
مش ناوييين نخس بقى فى سنينا ديه اووووووف زهقت بجد كل شويه اخس واتخن واخس واتخن وهكذا وهكذا ووو ..
ده ايه اللى احان فيه ده يااااارب نخس ياااارب
بصوا لان النفسية مش مستحملة بسبب البقلظة والتخن فبدون مقدماتى الطويلة ولتى المعتاد هندخل عدل فى الريجيم بتاعى جبتهولكم من كتاب للريجيم حلووو قوووى وجربته قبل كده وبيخسس حلووو قووى بس لازم مشى معاه او ممارسة اى رياضة ..
بسم الله نبدأ
الاول الريجيم ده (الرجيم المفتوح ) فقط 7 ايام وبعدين يوم فرررى ( يوم الراحة ) بس هنلخبط بس وجبة الغداء
وبعدين نبدأ الاسبوع التانى (ريجيم كيميائى) فقط 7 ايام وبعدين يوم فررى وبردو هنلخبط بس وجبة الغداء بس وقبل ما نخلص 14 يوم ريجيم لو فعلا مشينا عليهم صح هنزلكم ريجيمات تانية نبدأ فيها علطول بعد ما نخلص الريجيمين دووول
الاسبوع الاول
( الرجيم المفتوح )
( سلطة الخضروات والفواكه )
اليوم الاول : سلطة فواكه (بأى كمية )
اليوم الثانى: سلطة خضراء (بأى كمية)
اليوم الثالث: سمك مشوى+سلطة خضراء (طول اليوم)
اليوم الرابع: سلطة فواكه او سلطة خضراء ( بأى كمية)
اليوم الخامس: لحم او دجاج مشوى+خضار مسلوق (طول اليوم)
اليوم السادس: صنف واحد من الفاكهة بأى كمية
اليوم السابع: سمك مشوى +سلطة خضراء ( طول اليوم )
واليوم الثامن ناخد الغداء فقط ( فرررى ) وبقية اليوم ريجيم عادى
الاسبوع الثانى
(الريجيم الكيميائى )
( ريجيم اليوم الواحد )
اليوم الاول : زبادى (اى كمية)
اليوم الثانى : لحم او فراخ مسلوقة ( اى كمية)
اليوم الثالث : سلطة خضراء ( اى كمية)
اليوم الرابع : فاكهة ( اى كمية)
اليوم الخامس : بيض مسلوق (اى كمية)
اليوم السادس : شوربة خضار او خضار سوتيه ( اى كمية)
اليوم السابع : فاكهة ( اى كمية )
واليوم الثامن ناخداليوم كله ( فرررى ) بس من غير افتررررا ..
والريجيمين دووول لازم معاهم (مشى او رياضة) عشان يحققوا نتيجة ممتازة وسريعة فى التخسيس ولازم نشرب ميه كتييير فى الرجيم ده بالذات ونشرب كل يوم مشروب الزنجبيل بالقرفة رااائع فى حرق الدهون وان شاء الله نخس
ولو لو لو لو حصل فعلا والتزمنا بالريجيم هنتابع مع بعض واحطولكم ريجيمات اسهل وانا عندى ريجيمات بالهبل جربتها من الكتاب ومن الدكاترة بتوع التخسيس اللى بيطلعوا فى التلفزيون..
وانا هبدأ الريجيم ان شاء الله من يوم الثلاثاء 1222016 وهيستمر لحد يوم 2822016
واى فتوكة عايزة تبدأ معايا اهلا وسهلا بيها طبعااا بس بجد بجد هنلتزم ان شاء الله وتقولى ونتابع بعض كل يوم هنا…………….
وان شاء الله نخس ونبقى موزززز زى ديه بالضبط احسن بجد يطقلى ورك لو مخسيتش المرررة ديه بجد هنهار ..
انا اصلا بنهار كل اما اعدى من جمب المراية صدفة بيجيلى مرارة وضغط وصدمة نفسية وعصبية وقلبية من المشهد المؤذى اللى المراية المفترية الله يجحمها بتبينه وكله بسبب الطفاسة
استغفر الله العظيم ..
ياااااااااارب يااااااارب يااااااااارب نخس بقى كلناااااااااااا
يالا يا حبى Meme2016 مستنياكى ادخلى بقى عشان نبدأ من يوم الثلاثاء
سلام حبيبااااااااااااتى
bondo2a bondo2a 15793_2.gif سوبر فتكات Fatakat 15793 القاهرة – مصر