نظرا لطلب أم كوكا حنعمل اليوميات في الموضوع دة والنظام اللي حنمشي علية بأذن الله كل أسبوع فى اخر الصفحه
الفريق مكون من
ROSY
موجة رمل
نور وجني
كتكوت مبلول
roshia
هدهد التميمي
مين تاني حيشترك معانا
من بكرة أن شاء الله كلنا حندخل ونكتب يوميتنا في الفطار و الغداء و العشاء
و اية الرياضة اللي عملنها
في انتظاركم يا أحلي فتوكات
عايزين ارادة و عزيمة
و جسم صحي بأذن الله
و مش عايزين لخبطة
(الريجيم ودوافعه)
أزيكم يا احلي فتوكات
أنا بعد الحمل و الولادة وزني زاد جدا بطريقة رهيبة مكنتش متصورها ابدا
فقعدت أفكر يا رب أعمل اية طبعا شكلي اتعير جدا و مش عارفة استوعب شكلي بالتخن كدة أبدا
فقررت اني أروح لدكتورة رضا بهنوس
و طبعا دكتورة بهنوس دي دكتورة ممتازة يعني لو أي واحدة عايزة تروح أنصحها قوي
بسم الله ما شاء الله عليها
العيادات بتعتها كلها ما شاء الله زحمة بطريقة متتوصفش
و كل اللي ألتزم معها خس و أنا أولهم
علي فكرة انا كان وزني قبل الحمل63
و بعد الحمل 82
و مع الدكتورة رضا
وصلت 59
و كمان جبت المشاية الكهربائية و كنت بتمشي عليها كل يوم ساعة
بجد أكثر من رائعة
أول ريجيم دكتورة رضا ادتهولي الدكتورة خلتني أمشي علية شهر
و أسبوع
و علي فكرة أنا خسيت في 3 شهور
و علي فكرة أنا كنت بعمل الريجيم دة في فترة الرضاعة
و الدكتورة كانت بتخليني أشرب مع الريجيم كل يوم 3 كوب لبن خالي الدسم
و 3 كوب برتقال
و المرة دي بجد مش عايزة أكون كاتبة الموضوع و الاقي اني كتبتة علي الفاضي
عايزة الفتوكات اللي حتلتزم تبدئ معايا ان شاء الله
و أن شاء الله اللي حتبدأ
حياتها كلها حتتغير للأحسن
لأن جسمها حيستعيد نشاطة تاني
أول ريجيم
و دة اللي مشيت علية شهر و أسبوع
الفطار
ربع رغيف بلدي أو 2 توست أو رغيف سن
+
4 ملاعق فول بدون زيت أو سمنة
و لكن يمكنك أضافة الليمون و الملح و الفلفل و البهارات
أو
ربع رغيف بلدي أو رغيف سن أو 2 توست سن
+
بيضة مسلوقة
يفضل تناول بيضة واحدة أسبوعيا لمن هم أكبر من 40 عاما
أو
ربع رغيف بلدي أو رغيف سن او 2 تست سن
+
قطعة جبن قريش (50جرام)
أو
2ثمرة فاكهة ما عدا الممنوع من الفاكهة و حقولكم هي اية الفاكهة المسموح بيها في أخر الريجيم
أو
كوب زبادي (بدون وش)
او كوب لبن منزوع السم
يمكنك تناول الأتي مع وجبة الفطار
كوب شاي بمعلقة سكر واحدة
أو
كوب شاي بحليب (بدون سكر)
ملحوظة
يمكنك تناول 2 معلقة سكر يوميا أو 2 معلقة عسل نحل
الغداء
النشويات
ربع رغيف بلدي أو رغيف سن او 2 توست سن
او
3 ملاعق مكرونة
أو 3 ملاعق أرز
الخضروات
طبق سوتية
أو
طبق شوربة خضار ني X ني بدون سمن أو زيت
يفضل طهي الخضار بماء أو شوربة لحم بدون وش
+
طبق سلطة خضراء بثمرة طماطم واحدة
البروتين
ربع فرخة مسلوقة (بدون جلد) من الصدر
أو
2 شريحة لحم أحمر مسلوق أو مشوي (150 جرام)
او
3 سمكات مشوية (بحجم كف اليد)
أو 2 بيضة مسلوقة
أو
علبة تونة (مصفاة من الزيت)و تشطف بالخل و الليمون
الفاكهة
ثمرة فاكهة واحدة متوسطة الحجم
ما عدا الممنوع من الفواكة
يفضل تناول الفاكهة بعد الغذاء بساعتين
العشاء
كوب لبن بدون وش سبق غلية
أو
كوب زبادي (بدون وش) و يمكن أضافة معلقة (ردة) علية
أو
قطعة جبن قريش + سلطة خضراء
أو 2 ثمرة فاكهة
ما عدا الممنوع من الفواكة
الفاكهة المسموح بيها
تفاح
برتقال
جوافة
كثري
كانتلوب
خوخ
موز
برقوق
و علي فكرة يا فتوكات الريجيم بالنسبة للي بيرضعوا
يزودا ال 3 كوب لبن خالي الدسم
و 3 كوب عصير برتقال فريش
ثاني ريجيم و دة كان لمدة أسبوع واحد
الأفطار
كوب شاي أو نسكافية بلبن خالي الدسم
+
معلقة عسل نحل
+
قطعة جبن بيضاء فيتا أو شيدر+خيار+3توست سن
الغداء
اليوم الأول : شريحة لحم مشوي+خضروات+رغيف سن+سلطة
اليوم الثاني: علبة تونة + سلطة + رغيف سن
اليم الثالث:ربع كيلو كفتة مشوية+سلطة+رغيف سن
اليوم الرابع:6 ملاعق فول + سلطة + رغيف سن
اليوم الخامس:شريحتين لحم مشوي + خضروات + 4 ملاعق أرز + سلطة
اليوم السادس:علبة تونة + سلطة + 2 رغيف سن
اليوم السابع:شريحتين لحم مشوي + ربع كيلو بطاطس مسلوقة + سلطة
العشاء
علبة زبادي + 3 ثمرات فاكهة
ملاحظاتأكثر من 8 كوب ماء بارد يوميا المشي نصف ساعة يوميا المشروبات بأي كمية بالسكر البديل و الفاكهة المسموح بيها
تفاح
برقوق
يوسفي
موز
خوخ
جوافة
كانتلوب
كمثري
و طبعا بالنسبة للفتوكات اللي في فترة الرضاعة
يزودوا 3 كوب لبن خالي الدسم
و 3 كوب عصير برتقال فريش
دلوقتي يا جماعة مين الفتوكات
اللي حتبدأ معايا
كل واحدة عايزة تشترك معايا
تسجل و زنها حالياو الوزن اللي عايزة توصلة
و طولها
و يا ريت تكونوا ملتزمين بالنظام
لان كل أسبوع في نظام جديد
و ان شاء الله اللي حتوصل معانا للوزن المطلوب
حيكون ليها هدية
و اللي حتسجل
معنا تنتظم و تكتب هي فطرت و اتغدت و أتعشت اية
و اللي حيلخبط
حيبقي مش كويس عشانة
و في أنتظار أشتراكتم
عشان بأذن الله
نشجع بعض
و أنزل باقي الأنظمة
و أي أستفسار أنا تحت أمركم
في حفظ الله
ROSY ROSY 133117_4.gif فتكات ست الكل Fatakat 133117 ღ *`•.¸.•´*ღ cotton candy cityღ *`•.¸.•´*ღ – ღ *`•.¸.•´*ღEgyptღ *`•.¸.•´*ღ