السلام عليكم ورحمة الله وبركاته
يارب يرزقنا جميعا الزريه الصالحه والحمل السليم المعافي ويكمل حملي علي خير
ادعولي وادعو لنفسكم
انا اتجوزت من سنه ونص وربنارزقني بالحمل علي طول ومن نزيف لانفجار جيب ميه لولاده مبكره ولدت في الشهر السادس وبنتي مايا توفت بعد عدة ايام من ولادتها
يارب اجعلها في ميزان حسناتنا وسند لينايوم القيامه يارب
وفضلت سنه بقا بعد كدا مقسمين الي
اربع شهورمفيش حمل شهرين ركبت لولب
خمس شهور قهر وعلاج وشهر علاج صح
ربنا قال ناخد بالاسباب اللولب جاب لي قرحه روحت عالجتها وبفضل الله خفت بالعلاج
كان عندي لسه لبن كنت بشرب بردقوش كوبايتين في اليوم علشان ينشف وقد كان ونشف بامر الله
سبحان الله خلق الداء والدواء لنتعظ
وراحة البال شغلت نفسي اني هروح اعمل عملية ليزك في عنيا واني لو حملت مش هينفع فكنت مش في دماغي قوي الحمل رغم اني هتم سنه بعد ولادتي بس قولت اسيبها علي ربنا
وقراءة سورة البقره يوميا بنية زياده لابركه في البيت
البركه في الاموال والانفس وربنا يهدينا والاستغفار يوميا
وقيام الليل والدعاء
وكمان واحده صاحبتي وهيه بتولد وفي العمليات دعت لي تلات مرات
بصراحه الاستغفار بداته من يوم ما شلت اللولب انما سورة البقره من اخر بريود
ميعاد البريود كان اول امبارح وعكس كل توقعات الناس في التحاليل عملت تحليل اول امبارح وطلعت حامل الحمد لله
وكنت بدعي دايما واقول اللهم ازرع في رحمي جنينا
والله كنت بقول يارب احمل في توأم بنت وولد يارب اصل الطمع في ربنا حلال
كلنا طمعانين في رضا ربنا ومفتش شهر علي قراءة سورة البقره وكنت حامل بامر الله
سبحانه تعالي واعلي
والله انا كنت عاوزه اشرككم فرحتي عارفه انكم هتفرحولي زي ما دعتولي
اه وكمان كنت بحط هنا مواضيع تدعولي وبجد اقسم بالله كنت بدعي لكل واحده من قلبي ولو افتكرت تاني ادعيلها
يارب ارزقنا الجنه يارب
يارب ارزقنا رضاك يارب
اصل دول اهم والله
يارب ارزقنا الزريه الصالحه يارب
ياتري هتدعولي ربنا يكملي حملي علي خير ولو حد تكرم ويقلي دعاء لحفظ الجنين
وهقولكم انا عرفت اني حامل ازاي علشان كلكم هتحصلوني الشهر دا بامر الله الرحيم الرحمن العفو الغفور
ملقتش قبل ميعاد البريود بخمس ايام عنق الرحم نزل لحد ميعاد لابريود وعنق الرحم لسه منزلش
وحرارتي كانت مرتفعه شويه وانا كويسه ومعنديش برد
فقولت اجرب واعمل اختبار
وربنا اكرمني زي ما هيكرمكم باذن الله
يارب يرزق كل مشتاقه بالزريه الصالحه يارب وتوأم علي طول يارب
مايا المسلمه مايا المسلمه 619860_2.gif سوبر فتكات Fatakat 619860 طنطا – مصر