ازيكم يا احلى حوامل .. ده اخر موضوع ليا فى القسم الجميل ده اللى شاف مني احلى 9 شهور وانا معاكم دلوقت بعد ماولدت بقيت ادخل قسم طفولة وامومه وتغذيه الطفل هتوحشوووووني بجد
النهرده جايه احكيلكم عن تجربتي مع الولاده الطبيعيه الحمد لله .. انا ولدت بقالى 4 ايام طبيعي الحمد لله انا بكريه وعامله الموضوع ده مخصوص عشان اطمن البكريات اللي بيخافوا وبيسمعوا كلام يخوف من ستات ولدوا قبلهم وخاصه فى المدونة هنا فيه فتوكات بتخوف الحوامل وطبعا الحامل مش ناقصه توتر ولا رهبه من الولاده لانها بكريه ودي حاجه جديده وغريبه عمرها ماجربتها فا بجد ارفقوا بيهم وارحموهم من الكلام السلبي اللي بيدخل الخوف قلوبهم ونتفائل كلنا بالخير
انا فى اخر اسبوع فى التاسع حسيت بقله الحركه للبيبي فا لبست ورحت للدكتورة فا كشفت بالسونار العادي وقالتلى مش باين وطلبت مني اعمل فور دي عشان تشوف ايه سبب قله الحركه وعملت طلعت الميه قليله جدا ولازم اولد فوراااااااا
وفعلا دخلتنى المستشفى بليل وقالتلى هنديكي طلق صناعي لاني اصلا معنديش طلق لانه مش يومي وماما عملتلى قرفه بعسل شربتها وكلت تمر ورحت المستشفى على الساعه 12 بليل ..
ودخلوني اوضه الولاده وحطولى على بطني جهاز بيقيس نبضات الجنين وجهاز تاني بيقيس مدى قوه الطلق فا لقوني طلقى ضعيف جدا قامت الممرضه حطتلى كريم من تحت لتحفيز الطلق وفضلت من بليل لحد الفجر مفيش اى تقدم طلقى ضعيف جت الدكتورة كشفت على الرحم لقته فاتح 1 سم بس فا ادتني نص حبايه فى بقى لتحفيز الطلق
وحطولى الاجهزة تاني برضه الطلق نص نص بس اقوى من المره اللى فاتت وجت دكتورة تانيه غير دكتورتي كشفت نسا لقته 1 سم ونص فا قالت شكلها قيصري قفلت الدنيا فى وشي بس انا قلت ابا هستنى دكتورتي هى ملهاش دعوه انا مش حالتها وجت دكتورتي هي سوريه بس ممتاااااازة
فا قلتلتها قلتلى متقلقيش بس هتتعبي عشان الطلق الصناعي متعب غير الطبيعي وادتني نص الحبايه التاني بس من تحت وعينكم ماتشوف الا النور خدتها الساعه 10 بليل تاني يوم واشتغلت على الساعه 1 بليل طلق رهيييييب
وجت كشفت لقت عنق الرحم فاتح 4 سم فرحت بس كنت بتعذب طبيعي يعني متخافوش الامومه مش بالساهل كنت كل ما الطلقه تزيد عليا اسبح بصوت عالى واقول لاحول ولا قوة الا بالله والله اكبر يامخلص النفس من النفس خلصني يامخلص الروح من الروح خلصني واللهم لاسهل الا مجعلته سهلا سهل عليا يارب
وماما كانت معايا وكل ده فى اوضتى فضلت احضن فى ماما وامسك فى جوزي واعيط واقول ياااااااااااارب وراس البيبي نزلت الحوض هتحسي كده كان فيه امساك وهينزل عليكي
وقمت اتمشى فى الاوضه لان النومه بتوجعني وفى الاوضه كان تلفزيون ماما جابتلى قناه القران بتاعه مكه وبالصدفه اشتغلت سورة مريم وانا اسمعها من هنا واقول بحق سورة مريم خلصنى واقرا الايات ورى الشيخ واسبح واستغفر وسبحاااان الله السورة مفعولها سحري
الممرضه جت تكشف نسا وهوووووووب الرحم فتح 7 سم جريت خدتني لاوضه الولاده تحت با الاصانصير واتصلوا على الدكتورة تيجي من بيتها والطلق كان فى اشد مراحل وكشفوا نسا لقوا اتفتح 10 سم
وهنا بقى جت الدكتورة وجت الكوميديا كلها مني وانا اقولها اتاخرتي لييييييييييه ولديني قيصري بسررررررعه هههههههه تقولى رحمك مفتوح وراس ابنك خلاص باينه اهي وانا قمت مصوته وقلتلهم يا كفرررررررررة همووووووووت وماما وجوزي بره سامعني وانا بصوت
وفهمتني انى لازم ازق واحزق كانى بعمل امساك عشان ابني يخرج للنور وحاولت 3 محاولات يااااااااااااه كانوا اصعب لحظه وفشلوا
وقالتلى هشق العجان وشقته وقالتلى يلا احزقى وزقى واتنفسي لتحت وانا بقى اقول يااااااااااااااااااااااااااااااااااارب خلصني وقمت قلت الله اكبر بصوت عاااااااااااااااالى والاقى ضنايا حبيبي راسه طلعت وجسمه اتزفلط بنعومه وصررررررررخ واااااااااء وااااااااااااء وانا سكتت وبصيتله وعيطت وحطوله على صدري وهو بدمه قمت بسته وحضنته وعيطت وهو سكت لما حضنته
وخدوه مني والدكتورة قعدت تخيطني وطلعوني اوضتى وانا تعبااااااااااانه ومرهقه وابني حموه وحطوه تحت نور اصفر كده ورجله حطوا فيها حبر وطبعوا بصمته على ورق وحطولى على صابعى حبر وحطولى على نفس الورقه وحللوا لابني فصيله دمه طلعت موجب وانا سالب فا خدت حقنه ال ار اتش
ونمت نوم عميييييييييق فى اوضتى والولاده تمت بالظبط على الساعه 4 الفجر ونمت لحد الضهر وصحيت اكلت وروحت على الساعه 1 بليل وابني حبيبي معايا نور عيني ..
انا دعيت لكل الفتوكات اللى نفسهم يخلفوا ودعيت لكزا وحده با الاسم طلبوه مني
اضحككم : انا فى السعوديه وهنا طبع البلد ان السعوديات واليمنيات عندهم عيب اوووووووي لو ولدت وطلعت صوت ههههههههه اه والله عيب وياويلها من جوزها واهل جوزها
وحده كانت جنبي ماشاء الله فى اوضه الولاده بتولد طبيعي معرفتش انها ولدت غير لما طلعوا البيبي اقسم بالله ولا نفس ولا حس ههههههههههه ازاى معرفش لكن انا بقى مصريه كنت بصرخ با الصوت الحياني ههههههههه يا لهوووووووووووي الكوريدور كله سمع صوتي زمانهم بيقلولا عني قليله الادب
ازاي بيقدروا ماشاء الله مش عارفه ربنا يقويهم يارب ويقوينا ونبطل صويت وفضايح لووووووووووووووول
دي كانت تجربتي يا بكريات متخافووووووووش ربنا بيهون والله وانا خرجت من هنا وربطت بطني فوررررررررا والخياطه من تحت وجعتنى شويه لمده 4 ايام لحد الجرح مايهدى والخيط يدوب اطمنوا ومتخافوش ولو قدامك فرصه تولدي طبيعي اتكلى على الله ربنا يقومكم با السلامه ياااااااااااااااااارب
Madam koko Madam koko 658931_9.gif سوبر فتكات Fatakat 658931 بلاد الفرنجة – السعوديه