السلام عليكم ورحمة الله وبركاته
ازيكم يا فتوكات
انا النهارده كنت ناويه اعمل رز معمر على الغدا وانا بعمله بغلى اللبن لقيته قطع طيب اعمل ايه
افتكرت اخت هنا جزاها الله خيرا كانت بتقول ان اللبن لو قطع نضربه فى الخلاط قلت والله هجحرب الفكره ولو طلع مش حلو خلاص نتغدا تونه وكان مافيش حاجه حصلت
والمفاجاه ضربته فى الخلاط طلع كانه لبن حليب بالظبط والله زى ما بقولكم كده وعملت بيه الرز وطلع جميل وهوريكم الصور
بس طبعا كان هيكون احلى من كده بس للاسف بوتجازى رخم شويه باجى اقفله الشوايه تعلى مره الفرن يوطى مره وهكذا راح الوش اتلسع
قلت ايه الخيبه اللى انا فيها النهارده دى
رحت شايله الحته اللى اتلسعت دى فعشان كده الوش شكله موش زى الرز المعمر بس والله طعمه جميل
انا بعمل الرز ازاى
بغسله وانقعه على ما اجهز اللبن واغليه وبعدين بحط معلقة زبده او على حسب كل واحده ماتحب
واحط شوية سكر وشوية ملح كمان حماتى الله يشفيها ويشفى مرضى المسلمين اللى بتعمله كده وانا بقيت اعمله زيها واقلب الزبده مع الرز والسكر والملح واغلى اللبن واحطه على الرز طبعا الرز بيكون لحد نص الصينيه او اقل بسيط واكمل لبن بس مش بملا الصينيه اوى عشان ما يوقعشى
واولع فرن البوتجاز عاااالى واحط الرز فوق الاول عند الشوايه عشان ياخد وش ولما الوش يتحمر انزله تحت يستوى
والبطاطس باللحمه بسوى اللحمه اللول نص سوا وبعدين اجيب بطاطس اقطعها طرنشات واحط اللحمه عليها وبصل طرنشات وطماطم مضروبه فى الخلاط وفصين توم مفرومين وملح وبهارات واحطها على البوتجاز شويه تاخد غلوتين ولما الطماطم تتسبك ازود شوية شوربة لحمه من اللى سويت اللحمه فيها وبعدين احطها فى الفرن تكمل سوا
والصور اهى
وعملت معاه صينية بطاطس باللحمه
شوفو مفلفل ازاى واللبن مش باين انه كان مقطع خالص كانه لبن حليب بالظبط
انا قلت اقولكم على التجربه دى يمكن واحده فيكم تتحط مكانى
فى امان الله مواضيع هذا القسم برعاية
الاميره ام يوسف نور عيونى الاميره ام يوسف نور عيونى images/avatars/landscape.jpg سوبر فتكات Fatakat 571455 مصر حبيبتى الله يحفظها ويحميهامن كل شر – مع زوجى وولادى ربنا يحفظهم ويحميهم