السلام عليكم رحمه الله وبركاته
مساء الخير على احلى فتوكه طبعا مشكله كل اسبوع انا هعمل اكل ايه بكره الجمعه واجازه والاسره والاولاد بيتجمعوا تعالى اقولك هتعملى ايه اكل تركى جامد والله جامد ومتوفر عندنا كمان خليكى معايا ومش هتندمى اقولك عندنا
البرك التركى
الشيش طاووك المشوى على الطريقه التركيه
مكرونه بصلصه
نبدا البرك التركى :
المقادير:
لفه جلاش
2بيضه
ملح وفلفل
4 ملاعق جبنه فيتا مهروسه
حوالى 1/2كوب بقدونس مفروم
كوب ونص لبن
3 ملاعق زبده
سمسم وحبه البركه
الطريقه:
نقسم ورق الجلاش الى قسمين متساوين وتدهن الصنيه بملعقه زبده ثم يرص ورقه الجلاش النص الاول على الصنيه ورقه ورقه ويدهن بين الاوراق هذا الخليط(كوب ونص لبن & 2بيضه & ملعقه الزبده)
حتى ينتهى النص الاول من الجلاش وبعدين نجيب الجبنه المهروسه ونحط عليها البقدونس المفروم وممكن اضافه فلفل حار وممكن الاستغناء عنه وبعدين نرص باقى الجلاش بنفس الطريقه الاولى لحد مانوصل لاخر ورقه ونقطع الجلاش ونضع عليه الناقى منالخلطه اللبن والبيض ونضعه فالفرن وبالهنا والشفا
الطبق التانى :شيش طاووك مشوى على الطريقه التركيه :
المقادير:
ك صدور فراخ
2فلفل اخضر حار حسب الرغبه
8 فصوص توم
1/4 كوب خل
1/2 كوب زيت
3/4 كوب عصير لمون
4 ملاعق لبن رايب
2 ملعقه صلصه طماطم
ملعقه زعتر
2 ملعقه بهارات
كوب لبن رايب
الطريقه:
قطعى صدور الفراخ الى قطع متوسطه ومتساويه
اخلطى كلا من(التوم-الخل-اللمون-الملح-الفلفل-اللبن الرايب الكوب -الزيت-والفلفل الاخضر -الزعتر-صلصه الطماطم)
انقعى الدجاج في هذه التتبيله يوم كامل وضعيها فالتلاجه في علبه بلاستيك محكمه الغلق
تعالى بقى بعد نقعها ليوم كامل هاتيها وهاتى الخله الطويله الخشب وحطى قطعه فرخه وبعدها فلفل رومى وبعدها طماطم وهكذا وبعدين ادهنى الشيش ب4 معالق لبن الرايب وعلى الجريل وشويها تحفه
وطبعا المكرونه بالطريقه اللى عارفنها وياريت تكةن خلزونيه الشكل وبالهنا والشفا
ريحين فين التقيم لوسمحتوا
مواضيع هذا القسم برعاية
بوتا وزوزه بوتا وزوزه فتكات حبوبة Fatakat 725695 الجيزه – مصر