السلام عليكم يافتوكات
انا اول مرة ادخل القسم ده ومكسوفة والله
فبالله عليكم تجاوبوني وما تبخلوش عليا بالرد والافادة الله يكرمكم
انا بنت لسه متجوزتش والبيريود عندى كانت مش منتظمة خالص وبعدين انقطعت
تماما بقالها كتييييييييييييير اوى
وروحت لاكتر من دكتورة وطلع ان هرمون اللبن ( البرولاكتين )
عالي جدااااااااااااااااااا فوق الــ 300
وعملت اشعة بالصبغة على الغدة النخامية وقالتلى مفيش عندك اى مشاكل
ومش عارفة سبب ارتفاعه بالشكل ده ايه
والموضوع زاد وبقى فيه تكيسات دلوقتى وانا اخدت علاج لمدة 6 شهور نزل فيه
الهرمون لغاية 90 تقريبا
وبعدها انا زهقت اخد الدوا تاني لانه جابلي اكتئاب شديد ، ده غير الدوخة والاحساس بالقئ اللى بيجيلى من الدوا ومن ساعتها وانا مكبرة دماغي وسايباها على الله
وف مرة وانا عند دكتورة الاسنان الدكتورة لاحظت ان اللثة عندى لونها غريب
وكان عندى شوية مشاكل تانية وابتدت تسألنى عن الدورة وانتظامها
فحكيت لها وكان ردها اني اتابع مع دكتورة متخصصة في الهرمونات مش دكتورة نسا على اساس انها ممكن تكون فاهمة احسن منها
فياريت تقولولي على دكتورة متخصصة في موضوع الهرمونات بس لازم دكتورة
لاني بتكسف اروح لدكاترة رجالة واتكلم معاهم في المواضيع دي
وادعولي الله يكرمكم بالشفاء العاجل لاني زهقت اوى وتعبت من الادوية
وخايفة لو اتجوزت برضو ميحصلش حمل
وانا بحب الاطفال اوى ونفسى اتجوز عشان ابقى ام::
بحبكم في الله
رودى محمود رودى محمود سوبر فتكات Fatakat 246331 شــــــــــــــــــــبرا – مصر (القاهرة)