السلام عليكم
حبايبى الفتوكات وحشتووووونى جوزى بقاله كام يوم بيقولى عاوز اكل لحمه مشوية
وانا بصراحة مش بحبها ودايما بطلب منه الغراخ المشوية مش بيتاخر ويجيبهالى وهو جاى
قومت جيبت لحمة بفتيك وقولت والله لاهخترعله وهخلية يكرة اللحمة المشوية بقيه حياتة
بس الخطة فشلت وبقت اكلته المفضله واتجنن عليها
عملت اية بقى انا
اللحمة غسلتها كويس وجيبت بصلتين و طمطماية و بصل بودرة وتوم بودرة وزعتر وجنزبيل و بهار لحم و ملح وفلفل وليمون
وضربتهم فى الخلاط وسيبت اللحمة فى التتبيلة دى لمدة 6 ساعات
وبعدين سخنت الجريل كويس جدا وكنت دهناه زيت ونزلت باللحمة وفضلت اقلبها لحد ما استوت بس منشفتهاش
وكنت مولعة فحمة وحطيتها مع معلقة سمنة للحمة وغطيتها كويس وسيبتها 5 دقائق
بس وقولتله جاهزة قالى جامدة من عند مين قولتله من عند الشيف توتا
فضل يضحك فكرنى بهرج وحلفتله ان انا اللى عملاها وطبعا مكنش مصدق نفسه وفضل يقولى ابقى اعمليهالى على طول
وانا طبعا عامله كدة
مواضيع هذا القسم برعاية
Tota Love Kimoo Tota Love Kimoo 838724_4.gif ممنوعة من المشاركة Fatakat 838724 6 اكتوبر – الاسكندرية
سبحان الله و بحمده