ازيكم يا احلي فتوكات بقالي فتره مكتبتش مواضيع هنا بس بجد وحشتوني اووووووووووي ووحشتني تعليقاتكم و تقيماتكم طبعا
النهارده هاوريكم طريقتي المتواضعه في اللازانيا و يارب تعجبكم
ودي صوره للتجويع
[IMG]
[/IMG]
هانبدء الاول بالحشو
العصاج :
مكوناته
لحمه مفرومه
بصله مبشوره
توابل ( فلفل اسود و توابل لحمه و بابريكا و جنزبيل و توم بودر )
صويا صوص
عصير طماطم
طبعا انا عامله كميه اكبر من المطلوبه عشان انا بحب اشيل العصاج جاهز ماقعدش اعمل كل مره فانتي قللي براحتك
الطريقه بقي
هانحط شويه سمن و نضيف عليهم البصل المبشور و نشوح البصل لحد مايصفر
و نضيف اللحمه المفرومه
و نقلب كويس مع البصل و نوطي عليها خاااااالص و نغطيها و نسبها تتطلع ميتها و تستوي و ماتضفيش ميه خالص بتطلع روعه بالطريقه دي و مستويه حلو اووي
و في نص السوا نضيف التوابل كلها و الصويا صوص
و نضيف عصير الطماطم و نعلي النار لحد ماتصفي كل الميه بتاعه العصير و تتسبك خالص و نطفي عليها و ماتنسيش الملح طبعا
كده خلص العصاج
هاتحطي سمن علي حسب الكميه اللي انتي هاتعمليها انا عملت صينيه صغيره خالص علي ادي انا وجوزي بس
المهم انك تحطي السمن اد الدقيق
و اول ما السمن تسخن تروحي نازله بالدقيق و تقلبي لحد مايصفر
و تروحي ضايفه اللبن و عليه قطعه جبنه نستو بتدي طعم روعه او ممكن نص كوبايه كريمه لباني
و مكعب مرقه و ملح طبعا و فلفل
و تقلبي بالمضرب السلك لحد ماتوصلي للقوام المطلوب بس تخليها خفيفه شويه عشان بتحمد بعد ماتبرد
و اللازانيا بقي نسلقها نص سلق كده و بعد كده نحط عليها ميه بارده و نحطها علي المصفايه كده
انجيب الصينيه بقي
طبعا دي صينيه صغيره خالص تعمل يادوب قطعتين انتي بقي زودي حسب حجم الصينيه
و نحط بشاميل من تحت
و عليها شريحتين لازانيا
و نحط نص العصاج
و شريحتين لازانيا
وبعد كده شويه بشاميل و جبنه رومي مبشوره
و شريحتين لازانيا و باقي العصاج
و اخر شريحتين لازانيا و عليهم البشاميل و الجبنه الرومي و الموتزريلا بس انا مكنش عندي غير رومي
ماتنسوش التقيييم و هاكمل تابعوني
مواضيع هذا القسم برعاية
ريمو المصريه ريمو المصريه 422402_2.gif فتكات ست الكل Fatakat 422402 مصر – مصر