السلام عليكم ورحمة الله وبركاته، دي اول مرة اشارك في المدونة، انشاء الله أقدر أفيد بمعلومة، انا عايزة اقولكم على نوع بهار اسمه "الكبابة الصيني" ودي شبه الفلفل الاسود الصحيح-غير مطحون- بس اكبر حجما، البهار ده في الاغلب يستخدم بكثرة في بلاد الشام،ويستخدم في الخليج والهند في خلطة البهارات المستخدمة في البرياني، المميز للبهار ده انك لما تطحنيه تقدري تستخدميه بدل اكتر من نوع، ريحته وطعمه شبه الفلفل الاسود، القرنفل، القرفة ، بالانجليزي بيسموه All Spice وفي بلاد الشام بيسموه البهار الحلو، جدتي الله يرحمها كانت بترشه على اللحوم المتحمرة وهي طالعة من التحمير على طول بتدي طعم جميل وريحه أجمل، تخلي بالك ان البهار غامق يعني مينفعش تستخدمه على طبخات فاتحة الا بكمية قليلة.
وطبعا تخلي بالك انك متحطيش البهارات في علب معدن لانها بتغير طعمها، احسن حاجة هوه برطمانات الزجاج وتقدري تحتفظي بالبرطمانات في الفريز علشان تفضل طازة بس تقفليها كويس ومتشتريش كتير ،اكتر حاجة 6 اشهر لان البهارات بعد كده بتفقد طعمها.
انشاء الله تكونوا استفدتوا.
لا تنسونا بصالح الدعاء مواضيع هذا القسم برعاية
Lulu77 Lulu77 images/avatars/guitar.jpg فتكات حبوبة Fatakat 627016 cairo – egypt