بسم الله الرحمن الرحيــــــــم
وحشتوني اوي يا فتوكاتي الحلوييييين وكل سنة وانتوا طيبين
النهارده جيبالكوا موضوع انما ايه فلة شمعه منورة
جيبالكوا طريقه الفايش بالخميره البيرة ومش حطول عليكوا وندخل بقى علي المقادير ونقول بسم الله
المقاديــــــــــــــــــــــــــــر:
2ونص كليو دقيق
نص كوبايه صغيره زي بتاعه الشاي سكر
معلقه كبيره كركم
معلقه صغيره محلب ونراعي طحنه مع السكر
ذرة ملح او ممكن نقول ربع معلقه صغيره زي اللي بنقلب بيها الشاي
قطعة خميرة زي عين الجمل وطبعا الخميرة بندوبها في شويه مايه دافيه وسكر
ونسيبها تخمر شويه
كوبايه ونص سمنه
وكوبايه صغيره زيت
كوبايه صغيره سمسم
كيلو لبن
نيجي بقى للطريقه
الطريــــــقــــــــة:
نقدح السمنة ونحطها فوق السمسم والمحلب والسكر المطحون وبعدين نحط الللبن المغلي سابقا والدافئ شويه وبعدين نحط الدقيق وشويه الملح ونبدا بسم الله نعجن لحد ما تبقى العجينة زي الللبانة ونلمها بشويه زيت صغيره وبعيدن نغطيها ونسيبها تخمر في مكان دافي من ساعه لساعتين وبعدين قطعي الفايش واعمليه صوابع واوعي تنسي تدهني الصاج وسيبيه يخمر تاني لمدة ساعة وابدأي دخليه الفرن علي نار هاديه وبعدين بعد ما يستوي شغلي الشوايه علشان يحمر الوش وطلعيه واقلبيه علي قماشه نضيفه وبعد كده فكيه من بعضه
وحطيه في الصاج تاني علشان يتحمص علي نار هاديه وبالهنا والشفا
واللي هتنسي التقييم هحطها في الصاج بدل الفايش
بحبكم في الله وفي رعايه الله يا احلي فتاتيك مواضيع هذا القسم برعاية
هدهود 2024 هدهود 2024 439077_1.gif فتكات نشيطة Fatakat 439077 الإسماعيلية – مصر