بسم الله الرحمن الرحيم
الحمد لله كما ينبغى لجلال وجهه وعظيم سلطانه
ماشاء الله لاقوة الا بالله
ربنا يتمم خسسانى على خير
انا خسيت 42 كيلو لحد النهاردة
كنت 127 كيلو والحمد لله اصبحت 85 كيلو
بنات كتير بتبعتلى على الخاص او فى الموضوع هنا وتسألنى خسيتى ال 42 كيلو فى قد ايه؟؟
وحجاوب هنا
خسيت فى سنة
اتخضيتوا؟؟؟؟؟؟؟؟
حقول لكم
انا خسيت قبل كده 40 كيلو فى 6 شهور ونصف
بس كنت اعقل من كده كنت ماشية على رجيمات متوازنة
لكن المرة دى عملت كام مرة رجيمات كيميائية قللت الحرق عندى خالص وثبتت وزنى مرة شهرين.ومرة شهر ونص
وبعد ماكنت قبل الكيميائى وزنى بينزل 2 او 3 كيلو فى الاسبوع.بقيت بنزل نصف كيلو فى الاسبوع..او ما نزلش خالص
فاضل اخس 10 كيلو..ربنا يسهل بيهم
ما شاء الله فيه بنوته خست تقريبا 70 كيلو فى سنة
ربنا يمتعها بالصحة والرشاقة كمان وكمان
المهم الارادة
ومهما حسيتى انك بتضعفى وبتاكلى اكل غير اللى فى الرجيم..ارجعى علطول للرجيم وما تسوقيش فيها
واحرقى اللى عكيتيه بشويه رياضة
ولازم مش اقل من 3 اسابيع علشان تقدرى تلتزمى بالرجيم تمام من غير اى عك
اوعى تيأسى..كل يوم يعدى حتلاقى العك بيقل وحتتحمسى للرجيم اكتر واكتر
تعالوا نعمل ثورة على نفسنا وعلى طفاستنا وعلى كسلنا
نعمل ثورة علشان كل بنوته حلوة مننا تخرج من كورة الدهون اللى مخبية جمالها
ايه اللى يجبرك انك تكونى منكسرة..ومكسوفة من نفسك ومن جسمك
ان الله جميل يحب الجمال
فيه دكتور تجميل فرنسى بيقول
مافيش انثى مش جميلة..فيه انثى مش عارفة تظهر جمالها
الحمد لله ربنا يتم نعمته عليا ويبارك لى فى صحتى
كنت بصلى بصعوبة علشان ظهرى وركبى.وساعات كنت بصلى وانا قاعدة او واقفة..دلوقت بصلى عادى وبمنتهى السهولة
عندى نشاط اكبر من الاول
كنت بطلع السلم مش قادرة اخد نفسى ولازم ارتاح كل دور..دلوقت بطلع ونفسى منتظم وبطلع الدور الرابع مرة واحدة
كنت يا حاجة((حتى من ناس شعرهم كله ابيض)) دلوقت يا مدام..وواحد قال لابنى..شوفتك فى الشارع بس ما رضيتش اكلمك لان اختك كانت معاك
بلبس حاجات كتير كنت محرومة البسها..وبعد ما كنت زى شوال البطاطس ولا شوال القطن..بقى فيه تضاريس منسقة ..وشكلى بقى انثى بجد
احساسى ..انى كنت متكتفة فى بدلة محشية دهون..لاعارفة اتحرك ولا اعيش ولا اتنفس..ودابت البدلة دى وبقيت زى الفراشة ..ما فيش حاجة مكتفانى
بدل ما كنت بتكسف اكل قدام حد.((حتى الاكل القليل)).واستخبى واكمل اكلى بعيد عن العيون اللى بتراقبنى.وبتعد عليا اكلت ايه وتبالغ فى نظراتها حتى لو اكلت اقل من وجبة طفل صغير.دلوقتالكل بيقولى كفاية رجيم بقى وكلى
قولوا ما شاء الله.
.ربنا يتمم على نعمة الخسسان والرشاقة يارب بصحة وعافية انا وانتم كلكم يابنات
هاه….؟؟؟؟؟؟؟؟؟؟؟؟؟؟؟
عايزين نخس بجد..مين عايزة تخس معاي
عايزين نعمل رجيم ورياضة ونهتم ببشرتنا
بس المهم الرجيم اللى يخسسنا واحنا محافظين على صحتنا
مش نصلح مشكلة ونقع فى مشاكل تانية
ماشاء الله ولاقوة الا بالله
ربنا يبارك فى صحبتنا وصداقتنا
ويقلل فى وزننا بصحة ورشاقة
احنا هنا مش جروب رجيم وبس
احنا اصدقاء واخوات
.
.
اهلا بيكم فى الجزء ال45.
عندنا مرجع للفريق فيه كل الرجيمات
والتمارين
والوصفات الخاصة بالترهلات وعلاج السمنه الموضعيه وعلاج مشاكل البشرة والشعر ووصفات لسد الشهيه
الروابط فى توقيعى تحت.
.
وكمان اهى
مش خسارة فيكم
مرجع(الرياضة) لفريق الحلم حيبقى حقيقة.بالذوق او بالعافيه حتبقى رشيقة
مرجع(الرجيمات المعدل)لفريق الحلم حيبقى حقيقة بالذوق او بالعافيه حتبقى رشيقة
مرجع (العبادات)لفريق الحلم حيبقى حقيقة بالذوق او بالعافيه حتبقى رشيقة
مرجع(وصفات الجمال)لفريق الحلم حيبقى حقيقة بالذوق او بالعافيه حتبقى رشيقة
تقرير (استمارة) جروب الحلم حيبقى حقيقةبالذوق او بالعافيه حتبقى رشيقة
.
.اضغطوا على اى عنوان منهم حتدخلوا المرجع طوالى
الاستمارة
تتملى يوميا..ولو حصلت ظروف ما قدرتيش تدخلى يوم املى بتاعة اليومين.او التلاتة اللى غيبتيهم…خلاص؟؟؟؟؟
للاشتراك
لازم الجدية..اللى حينضم جديد حيكون فى الفريق الجديد لمدة اسبوع..لو اثبت جديتها وملا الاستمارة يوميا
ينضم للفريق الاساسى
اللى متقسم لفرق حسب التقارب فى الوزن
بنملا الاستمارة يوميا
الحاجة اللى عملتيها تمام تاخدى عليها درجتين..عملتيها نص نص تاخدى درجة واحدة..غير كده يبقى صفر
وبتجمعى الدرجات
وكل كيلو تخسيه تاخدى عليه درجتين
حنجمع مجموع درجات الاسبوع+درجات نزول الوزن
ونعلن اكتر واحده فى المجموع واقل واحده فى المجموع من كل فريق.وفيه هديه وفيه عقاب
الاستمارة اهى
وليها موضوع لوحده الرابط بتاعه فى توقيعى تحت
تاريخ اليوم
نوع الرجيم
مدى الالتزام بالرجيم: =
الرياضة(نوعها والمدة: =
تناول فيتامين او اى مكمل غذائى: =
شرب الماء =
شرب اى وصفة عشبية: =
الدلع والاهتمام بالجسم =
اداء العبادات=
المجموع=
حبيبة_امها حبيبة_امها 202418_3.gif ممنوعة من المشاركة Fatakat 202418 البحيرة – مصر