السلام عليكم اخواتي في الله
—————-
انا بكتب ودموعي مش قادره امسكها,,انا طبيبة اطفال واخترت التخصص ده عشان بحب الاطفال قوووووي..وحكايتي اني متجوزه من فتره,,بعد الجواز بكام شهر وعشان كنت مستعجله ع الحمل روحت بعدها عملت اشعه وتحاليل,,وطلع كله تمام بس عندي كيس ع المبيض الشمال..كل الدكاتره قالو انه بسيط,,بس بعدها بشهرين حسيت بالالام رهيبه واتنقلت المستشفي..ودخلت العمليات عشان الكيس انفجر وعمل نزيف داخلي,,والحمدلله,, وبعدها بشهرين الدوره اتاخرت, عملت اختبار حمل وطلعت حامل,,وكنت طايره انا وزوجي من الفرح..بعدها بكام اسبوع جالي الالام شديده في بطني,,اتنقلت المستشفي ..وطلع حمل خارج الرحم ,,ودخلت العمليات للمره التانيه..والحمدلله,,بعد العمليه ب 10 ايام رحت اتابع مع الدكتور لقي كيس جنيني تاني داخل الرحم!!!!وبعد الفحوصات عرفت ان الجنين التاني ده مات بعد العمليه(الحمل خارج الرحم) ولازم اعمل عملية تنظيف وكحت,,ودخلت العمليات للمره التالته ..والحمدلله,,بعدها ب 6 ايام اغم عليه في التواليت,,نقلوني المستشفي اكتشفوا ان الحمل اللي خارج الرحم لسه موجود والقناه انفجرت,,ودخلت العمليات لرابع مره وشالولي قناة فالوب الشمال,,,والحمدلله..بعدها بشهرين حسيت بالالام شديده ايام الدوره رحت عملت سونار لقو كيس دموي علي المبيض الشمال والتصاقات كتير.. وعرف الدكتور ان ده بطانة رحم مهاجره,,وبما ان تحاليل جوزي مش كويسه قوي قالي لازم تعملي تلقيح صناعي عشان تحملي في اقرب فرصه..وعملتها مره واتنين وفشلت…والحمدلله,,وبعدها ومن 20 يوم جالي الالام فظيع,,ورحت المستشفي للمره الخامسه عملت عمليه وشالولي الكيس الدموي اللي علي المبيض الشمال..وللاسف عرفو بالمظار اثناء العمليه ان قناة فالوب اليمين واللي فاضلالي كمان بايظه وملتهبه ومنتفخه,,والحمدلله,,خلاص ما بقاش قدامي الا الحقن المجهري…بس انا عايشه بره مصر وتكاليفه عاليه قوي,,قلت انزل اعمله في مصر,,وقلت لدكتور اعرفه في مصر اني نازله اعمل عنده العمليه…وفوجئت النهارده ان بابا وماما بيكلموني وهمه زعلانين اني ما قولتش ليهم اني ناويه انزل وهعمل العمليه ده…قعدت اقولهم ان ده حاجه شخصيه وعادي وهمه ابدا!!!!!!!!!!!! ياربي انا في ايه ولا ايه!!!انا تعبت خلاص يا جماعه الدنيا من يوم ما اتجوزت وهيه عماله تديلي فوق دماغي,,,بس خلاص تعبت,,نفسي في طفل يسعدني ويسعد جوزي,,ومش عارفه اعمل ايه؟؟؟لا اهلي ولا اي حد حاسس بيه!!!والناس ما بترحمش!!!لدرجة ان واحده بتسالني ك دكتوره هوه الحمل بيتاخر بعد الولب ولا لا؟؟قولتلها اه احتمال يتاخر شويه,,,قالتلي انتي عايزاني اتاخر في الحمل زيك وخلاص!!!!!!!!!!!!!
يارب ماليش غيرك..انت علي كل شئ قدير…
ياريت اللي يقرا موضوعي يدعيلي,,انا زي اختك او بنتك..ويارب يرزق كل الناس يارب…
فرحانه 2024 فرحانه 2024 images/avatars/peak.gif ممنوعة من المشاركة Fatakat 445895 الاسكندريه – مصر
سبحان الله و بحمده