ازيكوا يا فتوكات يارب تكونوا بخير و كويسين
انا الحمد لله حامل فى نص الخامس و بقالى بالظبط اسبوع كده كل يوم بالليل أصحى الفجر على وجع كليتى اليمين و بجد وجع رهييييييييييب ربنا ما يكتبه على حد يارب و الوجع مش بيروح الا لما انام على جنبى الشمال و اغطى جنبى اليمين
و المهم ان انا طول النهار زى القردة معرفش ليه بالليل كل يوم لازم اقوم على النقح و الوجع ده
و الأهم بقا ان الدكتورة بتاعتى من شهر و نص كده كتبتلى على دواء اسمه cystone و قالتلى ده بيغسل الكلية و كله مواد طبيعية و مفيهوش ضرر على الحامل و اخدت منه علبة و لما خلصت اخدت التانية و كنت مرتاجة خالص عليه و مع العلم ان قبل الدواء ده مكانش عندى وجع على الكلية ولا حاجة يعنى كان عندى املاح بسيطة و صديد و الحمد لله اخدت مضادات حيوية و راحوا
و من ساعة ما خلصت علبتين الدواء و انا جالى الوجع ده و مش عارفة ليه و خايفة يكون من الدواء مع انى بحثت على النت و الكل شكر فيه
يعنى المفروض انا بقالى شهر باخد دواء بيغسل الكلية يبقى الوجع الفظيع ده ليييييييييييييييييه
بالله عليكم اللى تعرف الدواء ده او اللى جربته و عملها مشاكل تقولى او اللى جربته و ارتاحت بعدها تقولى برضه عشان انا مش عارفة الوجع ده من ايه و هل كده لازم اعمل تحليل وظائف كلية و ده بيبين كل حاجة فى الكلية ولا ايه و التحليل ده بيبقى دم و لا ايه بالظبط
و هل الوجع ده ممكن يكون من ضغط الجنين على الجنب اليمين مثلا و مالوش علاقة بحاجة تانية ؟ يعنى اللى حامل و بيحصل معاها كده بسبب ضغط الجنين تقلى برضه مع ان الجنين بعيد شوية عن الكلية بس برضه الله اعلم
ساعدونى يا فتوكات انا ماليش غيركم بعد ربنا و ادعولى بالله عليكم ربنا يشفينى على خير و اللى عندها معلومة و لو صغيرة عن اللى كتبته تقولهالى و متبخلش عليا و يارب يارب يحققلكم كل اللى بتتمنوه
Nagwa Ali Nagwa Ali فتكات متميزة Fatakat 764177 الأسكندرية – مصر