مساء الخير يا احلى بنوتات طبعا أغلبنا حاول كتير فى موضوع الريجيم ومكملناش
يمكن بسبب الجوع وقلة الاكل او بسبب الشعور بالحرمان وعدم اكل اطعمة لذيذة
فكرت فى طريقة للتشجيع على الاستمرار فى الريجيم ولقيت طريقة هنخس بيها ومش هنتحرم من اى نوع من الاكل ولا هنحس بالجوع بتاتااااااااا. وكمان هنشجع بعض واللى هتنزل اكتر هيكون لها جايزة مالية قيمة بجد
نظام المسابقة:
هنعمل اسبوع ريجيم واسبوع هناكل فيه كل اللى نفسنا فيه
اسبوع الريجيم الاول ودة بينزل حوالى 5 كيلو وهناخد معاه حبة فيتامين كل يوم:
اليوم الاول : فاكهة نوع واحد طول اليوم وبأى كمية (ماعدا العنب والمانجو والبلح)
اليوم الثانى : خضار نوع واحد وبأى كمية (ماعدا البقوليات)
اليوم الثالث : الفطار بيضة مسلوقة- وبعد ساعتين عالاقل هناكل سمك مشوى او سنجارى بأى كمية لحد اخر اليوم
اليوم الرابع: فطار بيضة مسلوقة – وباقى اليوم دجاج مشوى منزوع الجلد قبل شويه بأى كمية طول اليوم ولكن اخر وجبه الساعة 7م
اليوم الخامس : فاكهة اكتر من نوع وبأى كمية ولكن نفصل بين أكل نوع فاكهة وأكل نوع اخر بساعتين
اليوم السادس: خضار بأى كمية |(ماعدا البقوليات)
اليوم السابع : فاكهة نوع واحد بأى كمية (ماعدا العنب والمانجو والبلح)
يااااااااااااااااااااه اخيرا خلص الاسبوع القاسي
الاسبوع الثانى:
الاسبوع دة مفتوح علشان نتفادى الشعور بالحرمان وهيحافظ على الوزن اللى وصلتله مش هيزودنى
هتاكلى وجبتين قبل الساعة 7م وكلى فيهم كل اللى نفسك فيه حتى لو شوكولاته او مقليات او رز ومكرونة . . . لكن بكمية معقولة يعنى مثلا الفطار ميزدش عن رغيف عيش والرز طبق مش مليان اوى والشوكولاته مثلا باكو صغير
وبعد الساعة 7 الاكل حاجة من اتنين اما علبتين زبادى اكتيفيا او ثمرتين فاكهه
ولو لقيتي نفسك جعانة او نفسك فى الاكل بعد الساعة 7 قولى لنفسك (بلاش ادمر جسمي وصحتى كمان وبعدين انا هصحى الصبح اكل كل اللى نفسي فيه)
اخيرا يا بنوتات النظام دة عجبني جدا وبقالى اسبوعين ماشي عليه والنتيجة كويسة جدا ومش حاسة بحرمان
اللى عايزة تمشي عليه اوك واللى مش عايزة تمشي على نظام يعجبها وياريت تقولنا عليه
* هنكتب وزننا كام دلوقتى وهدفنا اية وهنكتب تقاريرنا هنا يوميا واخر كل اسبوع هنتوزن
وبعد شهرين هنشوف مين اللى نزلت اكتر (بالنسبة لوزنها مش بعدد الجرامات)
* ممكن اى حد يتابع معانا من باب اننا نشجع بعض , لكـــــــــــــــــــــــــــــــــــــن
المسابقة اللى بجوايز هتكون للبنات اللى معامل كتلة الجسم بتاعها 30 او اكتر
معامل كتلة الجسم = الوزن بالكيلوجرام / مربع الطول بال سم
المسابقة هتبدأ يوم الخميس بأى عدد من المتسابقات
human rights human rights فتكات حبوبة Fatakat 1032047 المنصوره – مصر