السلام عليكم ورحمه الله وبركاته
لو سمحتم انا حامل فى الشهر الرابع وبقالى 3 ايام النهارده هموت من وجع بطنى من تحت ومن ناحيه جنابى بس فى اخربطنى تحت
حاسه ان فى تقل وحاجه تقيله بتشد بطنى لتحت بالعافيه ومغص زى ما يكون سكاكين بتقطع
وخايفه يكون فى حاجه انا كلمت دكتورى النهارده لاقيته سافر ومش هيرجع غير بعد اسبوع
مش عارفه اعمل ايه دانا حتى لما احط ايدى على بطنى بتوجعنى
المشكله ان حالتى النفسيه تعبانه جدا عشان سفر جوزى ومشاكل مع حماتى وانا شايله البيت على دماغى
وطول اليوم واقفه فى المطبخ ورايحه جايه وبعمل مجهود كتير ومش باكل كويس ولا بشرب عصاير خالص ممكن اكل حته عنب صغيره
واحده جوافه والغدا وبس والفطار بسكوت وشاى او نسكافيه انا على الحال ده من يوم ما جوزى سافر
وافضل اعيط ليل ونهار من المشاكل اللى انا فيها ومن بعد جوزى عنى ومن الوجعومش بعرف انام خالص
لما انا على جمبى بحس بتقل ومعرفش انام انا خايفه يكون الجنين فيه حاجه وقلقانه اوى
انا اسفه انى طولت عليكم بس ياريت تطمنونى فى حاجه ولاده شىء عادى بيحصل
ربنا ييسر لكم الخير ويسعدكم ويرزقكم الذريه الصالحه
totta M totta M 395018_1.gif فتكات متميزة Fatakat 395018 المنصوره – القاهره
سبحان الله و بحمده