النهاردة يا فتوكات معايا طاجن الفريك بالحم والمشروم والموتزاريلا
الطاجن ده لمحبي المشروم وطعمه جامد جدا جدا
فريك منقوع في ماء ساخن +ملح وفلفل وتوابل+جبنة موتزاريلا+لحم قطع صغيرة مسلوق
او شرايح بفتيك +بصلة قطع +2 فص ثوم +شوربة اللحم او مكعب مرقة +سمن
الطريقة
اول شئ نشوح البصل في السمن ثم نضع معه قطع الثوم
ثم نشوح اللحم مع البصل انا قطعته قطع صغيرة
ثم نضع الفريك والملح والتوابل علي اللحم
وشوحت شرايح المشروم مع فص ثوم ورشة بقدونس وملح وفلفل
ونرص المشروم علي وش الطاجن
ونسقيه شوربة زي الصورة ما نغطيش الطاجن بالشوربة لانه منقوع
ولو استخدمتي شرايح بفتيك
مكان تحمير اللحم والفريك حطي مكعب مرقة وماء ولما يغلي اسقي بيه
كده
وغلفته بفويل وعلي الفرن حرارة متوسطة
ده شكله بعد ما استوي وهنا نرش الموتزاريلا
ولازم ترشوها فقط عند التقديم يعني ممكن تسويه ووقت التقديم
تحطي الجبنة وتولعي الشواية
نرش علي الوش جبنة موتزاريلا
وده شكله بعد ما حمرت الوش بالشواية
اتمني يعجبكم وتجربوه بالف هنا مقدما
وما تنسوش التقييم جزاكم الله خيرا
بعدالفاصل هقدم لكم ان شاء الله الملوخية الناشفة وكانها خضرا علي طريقة تيتة الاروبة
مواضيع هذا القسم برعاية
فريدة فى كل شىء فريدة فى كل شىء 591458_22.gif برنسيسة فتكات Fatakat 591458 القاهرة – مصر