اذيكم يااحلى فتوكات فى الدنيا
حبيت اقولكم على الوصفه اللى الحمد لله
نجحتنى فى مسابقه صيفنا احلى مع فتكات
بوريك الجبن الشهى وايه عجينته مش حتاخداكتر من خمس دقايق وبس ونقول مقادير العجينه
كيلو دقيق
3بيض
2فانيليا و1بيكنج بودر
كوب لبن
2ونص كوب سمن
جبنه بيضه طريه او ناشفه اللى تحبيه انا بفضل الطريه
نضرب البيض مع الفانيليا والسمن ونضيف عليهم اللبن وبعدين الدقيق والبكينج بودروذره
ملح
واعجنيهم كويس …..
.مفيش اسهل من كده ومش بتاخد وقت ابدا ولا تخمر ولا حاجه
وبعدين افردى العجين بالنشابه كده
وهاتى اصغر كوبايه عندك واعملى كده.
وتكونى محضره العده اللى هى الصوانى والجبنه وطبق ميا عشان ندهن حروف البوريك
عشان تقدرى تقفليها كويس ومتتفتحش وهى على النار.
وتحطى الجبنه وتبلى طرف العجينه
وبعدين تقفليها ذى القطايف
وممكن نحشيها بسطرمه وفلفل وجبنه وبتكون روووووعه
وممكن كمان نحشيها جبنه وزعتر
ونلفها ونقطعها
وتدخل الفرن بتكون حكاااايه
وتدخلى الصينيه الفرن على درجه حراره200
وبتكون كده
وعايزه اقولكم والله طعمها روووووووووووووووووعه وصلاحيتها حلوه تعيش معاكى
والكيلو فيه بركه ومع كوبايه شاى جناااااااااااااااااااااااااان
وممكن تاخديها معاكى النادى او البحر اواى مكان وانا بعملها فى اعياد الميلاد والكل بيموت فيها
وبالف هنا وشفا
نيجى بقه للسلطه انا عامله سلطه مايونيز بالخص والجزر ذى بتاعه جاد اللى بيحطها على البطاطس
حقولكم اذاى وجربوها والله حتعجبكم كتييييييييييييييير
انا بستخدم مايونيز هاينز لانه بيطول معاكى فى صلاحيته ومعظم المايونيز التانيين
بيقولك الصلاحيه شهر من تاريخ الفتح لكن ده كويس جدا
جزره مبشوره وكابتشو متقطع صغير وحته سمن فلاحى صغيره وشريحه بصله متقطعه صغير اوى
ومعلقتين مايونيز وقلبى وكلى وادعى لى رووووووووووووووووعه
انا زوجى مش بيحب البصل ولا ريحته وبيموت فى السلطه دى.
لكن هنا طعم البصل مش موجود مش حتحسى بيه
هو بيضيف طعم خرافى للسلطه
وبالف هنا على قلبكم
امانه عليكم اللى تدخل تقييم وترد دى امانه فى رقبتكم
مواضيع هذا القسم برعاية
SOSO MIDO(ملكه العزومات) SOSO MIDO(ملكه العزومات) 470172_3.gif فتكات غالية قوي Fatakat 470172 الاسكندريه – القاهره