محشى الباذنجان و الكوسة و الفلفل الرومى
ال 3 ليهم نفس الطريقة
المقادير :
2 كيلو كوسة أو 2 كيلو باذنجان أو كيلو فلفل رومى صغير الحجم ( لأنه أخف وزنا بيتكون كميته أكتر )
رز مصرى
2 بصله كبيرة
كام فص توم
طماطم
خُضرة عبارة عن حزمة بقدونس + حزمة كرفس + شوية شبت و كزبرة خضراء
رشة ملح + فلفل اسود + جنزبيل وكزبرة ناشفة وشوية كمون وبهارات لحمة
ملعقتين كبار زيت ذرة
و ممكن نضيف نصف كوب لحمة مفرومة مسلوقة
شوربة فراخ
الطريقة :
بنقوّر الخضار بالمقوار
يعنى نشيل الرأس و نشيل اللى فى قلب الخضار بالمقوار
بالنسبة للكوسة بنكحت قشرها بالسكين فى الأول ثم نقطع الرأس من فوق و من تحت
بالنسبة للباذنجان بنضغط عليه براحة اليد و ندوره تحت ايدينا علشان يسهل تقويره ، ثم نشيل الراس
بالنسبة للفلفل الرومى بنشيل الراس فى الأول وممكن نشيل البزر باليد
بنفرم البصل ونفرم الطماطم ونقطع الخضروات
ياتعمليه كله نى فى نى يا تسبكى طماطم وضيفى ليها الخضار والرز وتحشى
و نحشى بها الخضار
[ بحيث الخلطة ما تملاش الا ثلاثة أرباع الكوساية أو الباذنجاناية أو الفلفلاية لأن الأرز هينفش لما يستوى ]
نرص المحشى فى حلة و نحط عليه الشوربة و هى مغلية لغاية ما توصل لتحت فتحات المحشى بسنتيمتر واحد
لما كله يغلى نغطى الحلة و نوطى النار
و بنعرف انه استوى لما الرز ينضج
انتو طبعا عارفين ان زعلى وحش ف من غير م ازعل متنسوش التعليقات و التقييم مواضيع هذا القسم برعاية
Tasnim Ibrahim Tasnim Ibrahim فتكات نشيطة Fatakat 1012959 الاسكندريه – مصر